Ortalyq saıabaqta Naýryz merekesi toılanyp, ulttyq oıyndar ulyqtaldy

796

Shymkentte ulystyń uly kúni Ortalyq saıabaqta «Armysyń, áz-Naýryz!» merekelik is-sharasy dúrkiretip toılandy. Qatarlasa tizilgen kıiz úılerde dastarhan jaıylyp, qonaqtarǵa naýryz kóje men ulttyq taǵamdar qoıyldy. Ulttyq oıyn túrlerinen jarys uıymdastyrylyp, jeńimpazdarǵa syılyqtar taratyldy. Arqan tartý, asyq atý, láńgi tebý oıyndaryn kórermenderde asa qyzyǵýshylyqpen tamashalady.

Merekege Shymkent qalasynyń ákimi Murat Áıtenov, qala ákiminiń birinshi orynbasary Shyńǵys Muqan, qalalyq máslıhattyń hatshysy Bahadyr Narymbetov jáne QR Parlamenti Senatynyń depýtaty Aıgúl Qapbarova qatysyp, kıiz úılerdi aralady.
Is-shara aıasynda Murat Dúısenbekuly búldirshinderdiń tusaýyn kesip, bolashaǵyna aq jol tiledi. Sondaı-aq shahar basshysy asyq atý ótip jatqan alańda asyq oınap, baǵyn synap kórdi.

Naýryz merekesinde qalalyq bilim basqarmasyna qarasty mekemeler qolóner buıymdary kórmesin ótkizdi. Dástúrli mereke konerttik baǵdarlamaǵa ulasty.

Pikirler
Uqsas jańalyqtar