Shymkentte tozyǵy jetken seısmologııalyq stanııa jańartylady, dep habarlaıdy "Adyrna" tilshisi Kazinform-ǵa siltep.
Úshinshi megapolıstiń seısmologııalyq stanııasy 1927 jyldan beri ózge ǵımaratqa aýystyrylmaǵan.
Seısmıkalyq derekterdi jınaý, taldaý, óńdeý, jer silkinisi oshaqtarynyń klasyn, magnıtýdasyn jáne baǵytyn anyqtaý jumystary júrgiziletin bekette 3 qyzmetker jumys isteıdi.
Bir ǵasyrǵa jýyq tarıhy bar tozyǵy jetken ǵımaratpen Shymkent qalasynyń ákimi Ǵabıt Syzdyqbekov «Shymkent» seısmologııalyq stanııasynyń jumysymen tanysty.
Megapolıs basshysy bekettiń jaı-kúıin kórip, jaýaptylarǵa jańa ǵımarat salýǵa tapsyrma berdi.
Tótenshe jaǵdaılar mınıstrligi Seısmologııalyq baıqaý jáne zertteýler ulttyq ǵylymı ortalyǵy elimizde 23 qańtardan bastap 1900-den astam jer silkinisin tirkegenin aıtty. Al qazaqstandyqtar onyń 11-in sezgen.
Eske sala keteıik, 2024 jylǵy 23 qańtarda Almaty ýaqytymen 00 saǵat 09 mın 02 sekýndta jer silkinisi tirkelip, jurtty ábigerge salǵan. Bul apat Almatyda 5 ball bolsa, Shymkentte 2 ball tirkelgen.
