Búgin Shymkent qalasynda bir úıdiń 5 adamy gazǵa ýlanyp, qaza boldy, dep habarlaıdy «Adyrna» tilshisi.
«Kaztransgaz aımaq» kompanııasynyń aıtýynsha, qaıǵyly oqıǵa Yntymaq yqsham aýdanynda bolǵan.
«Apat brıgadasy oqıǵa ornyn teksergen kezde qabyrǵaǵa ornatylǵan jylytý qazandyǵynda tútin shyǵarý qubyry bolmaǵany, qazandyq korpýsynyń joq ekeni anyqtaldy. Buǵan qosa qazandyq avtomatıkadan ajyratylǵan, sondaı-aq bólmede jeldetý qubyry bolmaǵan»,— dedi kompanııanyń baspasóz qyzmeti.
Gaz qyzmetkerleri buǵan deıin úıdi teksergen kezde qazandyqtyń jaǵdaıyn kórip, bul úıdi gazdan ajyratqanyn málimdedi. Mamandardyń aıtýynsha, úı ıesi gazdy zańsyz qosyp alǵan.
Oqıǵanyń sebepteri sot-medıınalyq saraptamanyń qorytyndysy boıynsha naqtylanady.
Aıta keteıik, bir kún buryn Abaı oblysy Aıagóz qalasynda úı órtenip, bir úıdiń 4 balasy qaza tapqan edi.
