Bügın Şymkent qalasynda bır üidıŋ 5 adamy gazǧa ulanyp, qaza boldy, dep habarlaidy «Adyrna» tılşısı.
«Kaztransgaz aimaq» kompaniiasynyŋ aituynşa, qaiǧyly oqiǧa Yntymaq yqşam audanynda bolǧan.
«Apat brigadasy oqiǧa ornyn teksergen kezde qabyrǧaǧa ornatylǧan jylytu qazandyǧynda tütın şyǧaru qūbyry bolmaǧany, qazandyq korpusynyŋ joq ekenı anyqtaldy. Būǧan qosa qazandyq avtomatikadan ajyratylǧan, sondai-aq bölmede jeldetu qūbyry bolmaǧan»,— dedı kompaniianyŋ baspasöz qyzmetı.Gaz qyzmetkerlerı būǧan deiın üidı teksergen kezde qazandyqtyŋ jaǧdaiyn körıp, būl üidı gazdan ajyratqanyn mälımdedı. Mamandardyŋ aituynşa, üi iesı gazdy zaŋsyz qosyp alǧan. Oqiǧanyŋ sebepterı sot-medisinalyq saraptamanyŋ qorytyndysy boiynşa naqtylanady. Aita keteiık, bır kün būryn Abai oblysy Aiagöz qalasynda üi örtenıp, bır üidıŋ 4 balasy qaza tapqan edı.
Ūqsas jaŋalyqtar
