ورتالىق ساياباقتا ناۋرىز مەرەكەسى تويلانىپ، ۇلتتىق ويىندار ۇلىقتالدى

3471
Adyrna.kz Telegram

شىمكەنتتە ۇلىستىڭ ۇلى كۇنى ورتالىق ساياباقتا «ارمىسىڭ، ءاز-ناۋرىز!» مەرەكەلىك ءىس-شاراسى دۇركىرەتىپ تويلاندى. قاتارلاسا تىزىلگەن كيىز ۇيلەردە داستارحان جايىلىپ، قوناقتارعا ناۋرىز كوجە مەن ۇلتتىق تاعامدار قويىلدى. ۇلتتىق ويىن تۇرلەرىنەن جارىس ۇيىمداستىرىلىپ، جەڭىمپازدارعا سىيلىقتار تاراتىلدى. ارقان تارتۋ، اسىق اتۋ، لاڭگى تەبۋ ويىندارىن كورەرمەندەردە اسا قىزىعۋشىلىقپەن تاماشالادى.

مەرەكەگە شىمكەنت قالاسىنىڭ اكىمى مۇرات ايتەنوۆ، قالا اكىمىنىڭ ءبىرىنشى ورىنباسارى شىڭعىس مۇقان، قالالىق ءماسليحاتتىڭ حاتشىسى باحادىر نارىمبەتوۆ جانە قر پارلامەنتى سەناتىنىڭ دەپۋتاتى ايگۇل قاپباروۆا قاتىسىپ، كيىز ۇيلەردى ارالادى.
ءىس-شارا اياسىندا مۇرات دۇيسەنبەكۇلى بۇلدىرشىندەردىڭ تۇساۋىن كەسىپ، بولاشاعىنا اق جول تىلەدى. سونداي-اق شاھار باسشىسى اسىق اتۋ ءوتىپ جاتقان الاڭدا اسىق ويناپ، باعىن سىناپ كوردى.

ناۋرىز مەرەكەسىندە قالالىق ءبىلىم باسقارماسىنا قاراستى مەكەمەلەر قولونەر بۇيىمدارى كورمەسىن وتكىزدى. ءداستۇرلى مەرەكە كونتسەرتتىك باعدارلاماعا ۇلاستى.

پىكىرلەر