Almatyda 2022 jyldyŋ 8 qaraşasynda Abylai han men Töle bi köşelerınıŋ qiylysynda ekı avtobus soǧysyp, adam şyǧynyna äkelgen edı. Jol apatyna №98 avtobus jürgızuşısı kınälı dep tanyldy, dep habarlaidy “Adyrna”.
Almaly audandyq sotynyŋ baspasöz mälımdemesınde:
«Almaty qalasy Almaly audandyq sotynda Qazaqstan Respublikasy Qylmystyq kodeksınıŋ 345-baby 3-bölıgı (jäbırlenuşınıŋ ölımıne äkep soqqan jol qozǧalysy erejelerın būzu) boiynşa sotqa jıberılgen A.-ǧa qatysty qylmystyq ıs qaraldy. Sot sottaluşy A.-ny Qylmystyq kodekstıŋ 345-babynyŋ 3-bölıgımen kınälı dep tanyp, oǧan 2 jyl 6 aiǧa bas bostandyǧynan aiyru jazasy jäne qosymşa 5 jyl merzımge kölık qūralyn basqaru qūqyǧynan aiyru türınde jaza taǧaiyndady», - delıngen.
Avtobus jürgızuşısı kınäsın moiyndamai, aqtaludy sūrady. Sot asyrauynda üş kışkentai balanyŋ boluyna bailanysty jazany jeŋıldetu turaly şeşım qabyldaǧan.
«Ş. jäne K.-nyŋ paidasyna moraldyq şyǧyn retınde ärqaisysy 2 million teŋge, Ş.-nyŋ paidasyna 323 885 teŋge materialdyq şyǧyn öndırıldı», - dep habarlady sot.
Būl jol apaty ötken jyldyŋ 8 qaraşasynda Abylai han men Töle bi köşelerınıŋ qiylysynda bolǧan edı. №98 jäne №201 avtobustar soqtyǧysqan. Sot anyqtaǧandai,№98 avtobustyŋ jürgızuşısı Abylai han köşesınıŋ boiymen oŋtüstık baǧytta kele jatyp, jol qozǧalysy erejelerın elemei, baǧdarşamnyŋ tyiym salynǧan qyzyl tüsıne ötıp ketıp, №201 avtobuspen soqtyǧysqan.
Ūqsas jaŋalyqtar
