Toǵyz balasy men eki nemeresi bar Gaýhar Ábdiraıymova «Aqjar» yqshamaýdanyndaǵy ýaqytsha kishkentaı úıdi jaldap turady. Qatty jaýǵan jańbyr men soqqan daýyl onyń jalǵyz úıin shaıyp ketti. Úıdiń qabyrǵalary daýyl soqqysyna tótep bere almaı opyrylyp tústi, dep habarlaıdy "Adyrna" ulttyq portaly.
Jeke úıde bes bólme bar, onyń úsheýi qıraǵan, deıdi áıel. Gaýhardyń aıtýynsha, ol mundaı úıde turýǵa qorqady, qalǵan bólmeleri de qırap otbasy múshelerin maıyp qyla ma, dep ýaıymdaıdy.
«Bes kún boıy qatty jańbyr jaýdy, keshe túngi saǵat ekiler shamasynda úıimizdiń shatyry opyrylyp tústi, úıdi jylytatyn otyn bar edi, qazir jaramsyz, úı deýge kelmeıtin qabyrǵalar ǵana qaldy. Sondaı-aq bári sý astynda qaldy. Sosyn taǵy eki bólmeniń shatyry qulady, meniń ýaqytsha úıim qysh kirpishten turǵyzylǵandyqtan, qatty jańbyrǵa shydaı almady», - dedi áıel.
Gaýhardyń aıtýynsha, qazir "úı" deýge kelmeıtin jerdiń esigi de jabylmaıdy. Úı salqyn, otbasy peshtiń jylýymen jylynýy kerek. Úsh bala qazirdiń ózinde sýyqtan aýyryp jatyr. Áıeldiń ózi kúıeýimen ajyrasqan, jumys istemeıdi. Otbasy AÁK jáne kóp balaly otbasy járdemaqysymen turady. Olardyń barar jeri joq, týystary da kómektespeı jatyr, deıdi jábirlenýshi.
«Úlken qyzym da kúıeýimen ajyrasqan, eki balasy bar, olar óte kishkentaı, sondyqtan jumys istemeıdi. Balalaryma qaraıtyndyqtan jumys isteı almaımyn. Bir jyl buryn kúıeýimmen ajyrasqanmyn, onyń týystary da, ózimniń týystarym da bizge kómektespedi. Ákimdik te kómektespedi, demeýshiler bolsa kómektesemiz dedi. Meniń úıime gaz qubyrlary tartylǵan, mamandar qubyrlaryn jóndep, ketip qaldy. Biraq bizdiń úı sol kúıinde jylýsyz qaldy»,- dep túıindedi sózin Gaýhar Ábdiraıymova.
"Adyrna" ulttyq portaly
