Türkiiaǧa auǧan Resei qaşqyndaryna erekşe qyzmettı eşkım körsetıp jatqan joq. Olar qarapaiym bank kartasyn aşa almai äurege tüsıp jatyr. Oǧan mobilizasiiadan qaşqandardyŋ sany artuy sebep bolǧan. Türkiiadaǧy qarjylyq ortalyqtar bärınıŋ bırdei köŋılın tauyp ülgerer emes, dep habarlaidy "Adyrna" ūlttyq portaly "İzvestiia" basylymyna sılteme nūsqap.
Reseilıkterdıŋ bıreuı bank kartasyn aşu üşın Ystambūldy şyr köbelek ainalyp, 15 ırı bank bölımşesınıŋ tabaldyryǧyn tozdyrǧan. Ol Türkiiada bärınıŋ qarjyǧa kelıp tıreletının aityp, nalyǧan. Bır qarjylyq ortalyqtar odan bank kartasyn aşu üşın komissiia talap etse, keibırı Türkiiada jūmys ısteuge rūqsaty bar anyqtamany körsetudı sūraǧan. Būǧan qatysty:
- Bızden bankterdıŋ bırı 5 myŋ dollar kölemınde depozit, taǧy bıreuı 2 myŋ lira kölemınde qaitarymsyz komissiia töleudı talap ettı (şamamen 107 dollar), - dep jazady "Gazeta.Ru"."Köptegen Resei qaşqyndary Türkiiadaǧy "Denizbank" qyzmetıne jügınude. Atalmyş bankte jaŋa karta alu üşın 10 myŋ lira kölemınde depozit aşuyŋ qajet. Onyŋ özı reseilıkterdıŋ bärıne qoljetımdı emes", - dep jazdy "İzvestiia". Oraiy kelgende aita keteiık, Qazaqstanda reseilık qaşqyndarǧa airyqşa jaǧdai jasalǧan. Olardyŋ aiaǧyn jerge tigızbei, elge ornalastyru jäne bank kartasyn aşuy jaily jurnalist Jolymbet Mäkış bylai dep jazdy:
"Qaladaǧy bölımşelerde adam köp bolǧandyqtan reseilıkterdıŋ bırazyn osynda äkep tögıp, «Palace» minimarketınde olarǧa bank kartasyn beretın bölımşe aşypty. Mynau sondaǧy kezekte tūrǧandardyŋ suretı. "Freedom" banktıŋ kartasyn aştyryp jatyr mūnda olar. Būl bank ötkende ǧana Qazaqstannyŋ azamattyǧyn alǧan Timur Turlovqa qaraidy. Aqşa audaryp, tölem jasaǧysy kelgen özınıŋ jerlesterıne (reseilıkterge) sanksiiany ainalyp ötetındei keremet mümkındık jasap berıptı Timur Turlov myrzaŋ..."Būǧan qatysty köŋılı küptı köptegen qazaqstandyqtar "Osy bankke nesie boiynşa telefon şalsam, "operator bos emes" dep almaidy", "Bızde osyndai ūzyn sonar kezek bolǧan-dy. Ne sebep ekenın endı tüsındık", "Ee, azamattyq alyp alyp,bank aşyp jatqany ma?" dep pıkır bıldırgen edı.
"Adyrna" ūlttyq portaly
Ūqsas jaŋalyqtar
