1953 jyly 5-naýryzda qanisher, jaýyz, tıran Stalın kóz jumdy. Ony jerleý rásimi 9-naýryzǵa belgilenip, oǵan deıin halyqtyń qoshtasýyna múmkindik berildi.
Tiri kúninde mıllıondardyń janyn alǵan tıran, ólip jatsa da myńdaǵan adamnyń ólimine sebepker boldy.
Tıranmen qoshtasýǵa qansha adam kelgeni naqty belgisiz. Derekter birneshe mıllıon deıdi. Stalınniń múrdesin kórýge kelgen halyqtyń kóp bolǵany sonshalyq, Máskeýde sumdyq qysym(davka) boldy. Adamdar bir-birin qysyp, qyrylyp jatty.
Derekterde 450 adam ólgen delinedi. Alaıda tarıhshylar kemi 3000 adam kóz jumǵanyn aıtady. Qysylyp, kóz jumǵandardy túnde aýla sypyrýshylar men sarbazdar jınap, aparyp kómip tastady.
Tek keıbireýleriniń denesin ǵana morgtan týystaryna berip, ólim sebebin "júrek talmasy" dep kórsete saldy.
KSRO-da bul oqıǵa jaıly aıtylmady. Jabyq taqyryp boldy. Alaıda Stalınniń jerleý rásiminde bolǵan jandar ol oqıǵa jaıly óz estelikterin qaldyrǵan. Ony ınternetten taýyp, oqı alasyzdar. Ondaı estelikter óte kóp.
Mysaly sondaı bir estelikte bylaı delinedi:
"Biz kóp ǵımaratty úıde turdyq. Sol kúnderi úıimizden shyǵa almaı qaldyq. Sebebi esikti ashý múmkin emes edi. Halyq óte kóp boldy. Sol kúnderi biz qatty qysymnan(davka) yńyrsyp, ólip jatqan adamdardyń daýysyn estidik. Tipti syqyrlap synǵan súıek daýsyn estigender de bar".
Stalındi jerlegen 9-naýryzdyń ózinde ǵana 300-den astam adam kóz jumǵan.
Ashat QASENǴALI
