Elimizdiń barlyq aımaqtarynda turǵyndar Páter ıeleri kooperatıvteriniń jumysyna qatysty synı kózqaras tanytady. Kópqabatty turǵyn úılerdi kútip ustaý jumystaryna yqpal etip, kondomınıým nysandaryn basqarý proesin retteý maqsatynda Memleket basshysy bıyl Múliktiń menshik ıeleri birlestikteri men jaı seriktestikterdi qurý boıynsha tapsyrma berdi. Áleýmet úshin ózekti jumystardy pysyqtaý maqsatynda búgin oblys ákimi Gúlshara Ábdiqalyqova Múliktiń menshik ıeleri birlestigi ınstıtýtyn engizý boıynsha selektorlyq jıyn ótkizdi.
Otyrysqa apparat basshysy Erlan Raıǵanıev, qala ákimi Ǵanıbek Qazantaev, salalyq basqarma men departament basshylary jáne onlaın rejımde aýdan ákimderi qatysty.
Jıyn barysynda energetıka jáne turǵyn úı-kommýnaldyq sharýashylyǵy basqarmasynyń basshysy Erlan Jańabaev múliktiń menshik ıeleri birlestikterin qurý isinde respýblıka boıynsha óńir jumys qarqyny kórsetkishi boıynsha alǵashqylardyń biri bolǵanymen, áli de jumysty jandandyrýdy qajet etetinin alǵa tartty. Sondaı-aq, aýdandar boıynsha salystyrmaly taldaý jasap ótti. Máselen, Qazaly, Syrdarııa aýdanynda jumysy álsiz júrgizilse, qalǵan aýdandarda jumys múldem tómen.
Sondaı-aq, Erlan Jańabaev belgilengen keste boıynsha 1 shildeden bastap barlyq birlestikter jumysyn bastap ketýi kerektigin alǵa tartyp, jumysty jedeldetý týraly usynysyn ortaǵa saldy.
Jıyn barysynda qala jáne aýdan ákimderi atqarylǵan jumys barysyn baıandady. Óńirde barlyǵy 1222 kópqabatty turǵyn úı bar, onyń ishinde júıesimen qurylýy qajet 914 kópqabatty turǵyn úıdiń búgingi tańda, 909-y quryldy bul jalpy jospardyń 99,5% quraıdy. Onyń ishinde, Qyzylorda qalasynda – 575 úı, Aral aýdany- 42, Qazaly aýdany - 106, Qarmaqshy aýdany- 56, Jalaǵash aýdany- 21, Syrdarııa aýdany- 29 , Shıeli aýdany - 69, Jańaqorǵan aýdany - 16 kópqabatty turǵyn úı qamtyldy. Qalǵan 308 kóp páterli turǵyn úıge kommýnaldyq menshikte bolýyna baılanysty basqarý uıymdary talap etilmeıdi.
Qazirgi tańda kondomınıým obektisiniń ortaq múlkin kútip-ustaý úshin aǵymdaǵy jáne jınaq shottaryn ashý, kóp qabatty turǵyn úı shyǵystarynyń eń tómengi mólsherin bekitý, kommýnaldyq qyzmet kórsetý erejesin engizý jumystary júrýde.
Kópqabatty turǵyn úılerdi basqarý reformasyn engizý baǵytynda jumysty saralaǵan aımaq basshysy 2022 jyldyń 1 shildesinen bastap qurylǵan menshik ıeleri birlestikteri men jáı seriktestikter kedergisiz jumysyn bastaýy tıistigin eskertip, Erlan Jańabaevqa ákimdermen birlesip, tıisti jumystar júrgizilýine aı saıyn monıtorıng jasaýdy tapsyrdy. Sondaı-aq, «Azamattarǵa arnalǵan úkimet» KEAQ men oblystyq ádilet jáne statıstıka departamentterine qujattardy tez arada rásimdeýge yqpal etý boıynsha tapsyrma berdi.
