Búgin Almaty oblysynyń ákimi, «Nur Otan» partııasy oblystyq fılıalynyń tóraǵasy Qanat Bozymbaev partııanyń qoǵamdyq qabyldaýy sheńberinde jeke azamattardy qabyldady. Oblystyń ár qıyrynan onlaın baılanysqa qosylǵan 9 turǵyn jol jóndeý, aýyz sý sapasyn jaqsartý, áleýmettik qoldaý sharalary, turǵyn úımen qamtý, medıınalyq qyzmettiń qoljetimdiligin arttyrýǵa qatysty saýaldaryn qoıdy, - dep habarlaıdy «Adyrna» ulttyq portaly
Máselen, «Kókpek – Kegen - Túp» avtokólik jolynyń 53-68 km aralyǵyndaǵy «Qaıqy asýy» jolynyń jóndeý jumystary aıaqtalmaǵandyqtan aýyl turǵyndaryna qıyndyq týǵyzyp otyr», - deıdi Kegen aýdanynyń turǵyny Jaqsylyq Ibraıymbaı. Al kóksýlyq Ilııas Uzaqov Musabek pen Máýlimbaı aýyldarynyń arasyndaǵy 11 shaqyrymdyq jol birneshe márte qıyrshyq tas tóselgenimen uzaqqa shydamaıtynyn aıtty. Sol sııaqty Ile aýdanyndaǵy «Damý» ILO mańyndaǵy temir jol arqyly salynýy tıis jol máselesi de ózekti. Sebebi bul temir jol ótkeli «Almaty – Jetigen - Qapshaǵaı sý qoımasy» avtojolynda ornalasqandyqtan kólik keptelisin ulǵaıtyp otyr. Oblystyq jolaýshy kóligi jáne avtomobıl joldary basqarmasynyń basshysy Ǵalymjan Dáribaevtyń aıtýynsha, respýblıkalyq mańyzy bar «Kókpek – Kegen - Túp» avtokólik jolynyń qurylysyna qajetti qarajat tolyq kólemde bólingen. Qurylysy bıylǵy jyly aıaqtalady. Al Kóksý aýdanyndaǵy atalǵan eki aýyldyń arasyndaǵy joldy jóndeýdiń jobalyq-smetalyq qujattamasyn ázirleýge qarjy qarastyrylatyn bolady. «QazAvtoJol» mekemesiniń quzyryndaǵy temir jol ótkelin salýdyń tıisti qujattamalary ázirlengennen keıin respýblıkalyq bıýdjetke ótinim berilmek.
Alakól aýdany Bulaqty aýylynyń ázirge tek 20% aýyz sýmen qamtylǵan, bul máseleni sheshý úshin sý taratatyn 28 shaqyrym jelini jańǵyrtý kerek. Bul problema jaıly aýyl turǵyndary atynan ardager Serik Qanapııanov sóz etti. Jaýaptan belgili bolǵanyndaı, aýyldy aýyz sýmen tolyq qamtý baǵytyndaǵy jumystar barlyq tıisti qujattary ázirlenip bitken soń 2023 jyly bastalady.
Oblysta 1400 múshesi bar sańyraýlar qoǵamynyń janaıqaıyn «Jetisý» telearnasynyń sýrdoaýdarmashysy Aıgúl Oqpaeva jetkizdi. Estý qabileti buzylǵan balalarǵa arnalǵan mektep-ınternattyń oqýshylary jyl saıynǵy kezekti medıınalyq-áleýmettik ekspertıza úshin kompıýterlik aýdıometrııadan ótýi qajet. Osy apparat úshin balalar Almatyǵa sabylady. Sondyqtan mundaı qajetti medıınalyq qurylǵy oblys ortalyǵyna kerek-aq. Múmkindigi shekteýli jandardyń máselesin kóterip, qabyldaýǵa arnaıy qosylǵany úshin úshin A.Oqpaevaǵa oblys ákimi Qanat Bozymbaev rızashylyǵyn bildirdi. Jáne jarty jyldyń ishinde Taldyqorǵan kóp salaly aýrýhanasyna osynda apparat satyp alynatynyn jetkizdi. Sonymen qatar estý qabileti nashar balalar úshin balabaqshada arnaıy top ashý máselesi de zerdelenetinin aıtty.
«Alpamys» qoǵamdyq birlestiginiń Taldyqorǵan qalasynda ornalasqan jertóledegi ǵımaratyna kiretin jerge pandýs ornatý máselesi de qabyldaý barysynda sheshimin tapty. Bul ispen Taldyqorǵan qalalyq ákimdigi aınalysatyn bolady.
Sondaı-aq tájik-aýǵan shekarasyndaǵy jaýyngerlik qımyldarǵa jáne qaqtyǵystarǵa qatysýshylardy áleýmettik qoldaý, kezekpen turǵyn úı alý, gazǵa qosylý qunyn tómendetý máseleleri de kóterildi.
Qoıylǵan saýaldardyń barlyǵyna tolyqqandy jaýaptar berilip, olarǵa qatysty Qanat Bozymbaev tıisti basqarma basshylaryna tapsyrmalar berdi.
