Is materıaldarynan anyqtalǵandaı, 2021 jyldyń naýryz aıynda jábirlenýshiniń ótinishi boıynsha sottalýshy óz atynan bankten nesıe alǵan, ony jábirlenýshiniń ózi tóleýi tıis bolǵan. Alaıda keıin áıel nesıe tóleýden bas tartyp, olardyń arasynda kıkiljiń týyndaǵan.
- 25 qarashada sottalýshy jábirlenýshimen kezdesip, onyń áreketine ashýlanyp, oǵan birneshe ret pyshaq suǵyp, oqıǵa ornynan boı tasalaǵan. Aýyr dene jaraqatynan esinen tanyp qalǵan áıel oqıǵa ornynda kóz jumdy. Basty sot talqylaýynda sottalýshy óz kinásin tolyq moıyndady, istegen isine ókindi. Sottalýshynyń kinási jábirlenýshiniń, kýálardyń aıǵaqtarymen, sondaı-aq saraptama qorytyndysymen jáne beınejazbalarmen rastalady, - delingen úkimde.
Prokýror sottalýshyǵa 10 jylǵa bas bostandyǵynan aıyrý jazasyn taǵaıyndaýdy surady. Jábirlenýshi tarap sottan kisi óltirýshini Zańnyń qatańdyǵy boıynsha jazalaýdy surady.
Aıta keteıik, marqumnyń artynda jeti balasy qaldy, eń kishisi nebári bes jasta. Sot úkimimen er adam kisi óltirgeni úshin kináli dep eseptelip, 10 jylǵa bas bostandyǵynan aıyryldy. Sot úkimi zańdy kúshine engen joq.
"Adyrna" ulttyq portaly
