Almaty qalasyndaǧy Jalaiyr köşesınde ornalasqan «Asyl Ūia» tūrǧyn üi keşenınıŋ tūrǧyndary bırqatar zaŋbūzuşylyqtar men sapasyz qyzmet körsetu mäselelerıne bailanysty dabyl qaǧuda. Keşendı 2023 jyly salǧan AKAS qūrylys kompaniiasy bergen uädelerdıŋ köpşılıgı oryndalmaǧanyn aitqan tūrǧyndar 19 şılde künı aşyq jinalys ötkızıp, qoǧam men uäkılettı organdardyŋ nazaryn audardy.
«UÄDE ETILGEN «KOMFORT» QAǦAZDA QALǦAN»
Päterler “komfort” klasyna sai dep satylǧanymen, tūrǧyndar bügıngı jaǧdai būǧan mülde säikes kelmeitının alǧa tartady. Qūrylys kompaniiasy keşen aumaǧy qorşalatyny turaly uäde bergenımen, būl jūmystar älı künge deiın jüzege aspaǧan.
«Būl tūrǧyn üi 2 jyl būryn berılgen. Bıraq qazır syrtqy esıkterı būzylyp tūr. Sapasy naşar. 6 korpusqa bır ǧana qoqys tastaityn oryn bar. Ol syrtyna deiın tögılıp jatady. Uäde etılgen “komfort” - qaǧazda ǧana. KSK (PİK – päter ielerı kooperativı) qyzmetı de jūmysyn dūrys oryndamaidy. Bızden aqşasyn alady, bıraq basşysyn mülde körgen joqpyz», - deidı tūrǧyn Säule Omarova.
Onyŋ aituynşa, keşen tūrǧyndary PİK qyzmetınıŋ ükımet balansyna ötkızılgenın jäne jaŋa basqaruşy kompaniianyŋ keluın talap etıp otyr.
«Su da, jaryq ta qymbat. Bız mekemeler sekıldı kommersiialyq baǧada töleimız. Bärın uaqytynda tölegenımızben, talapqa mülde sai emes. Osy künge deiın KSK bırde-bır ret esep bergen joq. Tek aqşa jinaudy ǧana bıldı”, - deidı Säule Omarova.
Keşendı basqaru qyzmetı tūrǧyndardyŋ syn tezıne ılıgıp keledı. Tūrǧyndardyŋ sözınşe, aulalar men aryqtar qoqysqa tolyp jatyr, kögaldarǧa su qūiu jüielı türde jürgızılmeidı. Sanitarlyq talaptar saqtalmaidy – mysaly, kanalizasiia apattarynan keiın jertölelerde dezinfeksiia jasalmaǧan. Būl tūrǧyndardyŋ densaulyǧyna tıkelei qauıp töndıruı mümkın.
“Bızde KSK qyzmetı mındetın dūrys atqarmaidy. Aimaq abattandyrylmaǧan, ony qarap ta jatqan joq. Gazondar men aǧaştarǧa su qūiylmaidy. Dälızdı jumaidy. Bügın ǧana qūrylys kompaniiasy üş ai ötken soŋ balansty ükımetke auystyratyndaryn aityp uäde berıp otyr. Būl uäde būryn da berılgen”, - deidı tūrǧyn Botagöz Esenǧaliqyzy.
Tūrǧyndar kommunaldyq tölemderdıŋ dūrystyǧyn da kümänmen qaraidy. Tarifterdıŋ naqty esebı joq, al şyǧyndar turaly aqparat tūrǧyndarǧa aşyq ūsynylmaidy. Al servistık qyzmet etuşı mekeme (PİK) basşysy Parhat Bazarbaiūly tūrǧyndardyŋ 6 millionnan astam qaryzy bar ekenın aitady. Alaida, onyŋ naqty esebın bermegen.
Endı tūrǧyndar bırauyzdan kelısıp, servistık qyzmet etuşı mekemenı auystyruda. Degenmen, būrynǧy mekeme büldırgen ısterın jöndep, naqty esep berıp, zaŋ aldynda jauap beruın talap etıp otyr.
QAUIPSIZDIK PEN BEINEBAQYLAU KÖŊIL KÖNŞITPEIDI
Keşende ornatylǧan beinebaqylau jüiesı tek kıreberıstermen şektelgen. Liftter men joǧarǧy qabattarda kameralar mülde joq. Būl jaǧdai juyrda oryn alǧan ūrlyq oqiǧalarynan keiın aiqyn baiqalǧan.
«Bırneşe velosiped ūrlandy, kölıkke zaqym keltırıldı. Bıraq sapasyz beinejazbalardan qylmyskerler anyqtalmady. Küzetke qatysty qūrylys kompaniiasy uäde bergen, bıraq eşteŋe jasalmady», - deidı tūrǧyndar.
AKAS kompaniiasy uäde etken küzet te ıske qosylmaǧan. Atalǧan qūrylys kompaniiasynyŋ senımdı ökılı Aqpan Ämırjannyŋ kölıkke arnalǧan tosqauyl men küzettı tūrǧandar aqşa jinap, özderı ornatuy keregın aitady.
Sonymen qatar, jertöle jailarynyŋ satylymǧa şyǧaryluy da narazylyq tudyrdy. Tūrǧyndardyŋ aituynşa, būl nysandar zaŋ boiynşa tūrǧyndardyŋ ortaq menşıgı bolyp esepteluı tiıs. Al qūrylys kompaniiasy joba boiynşa, jertöledegı oryndar satylatynyn aitty.
Odan bölek, tūrǧyn üi keşenı älı künge deiın qala balansyna berılmegen. Būl jaǧdai tūrǧyndardyŋ qūqyqtyq märtebesın kümändı etıp, qandai da bır mäsele tuyndaǧan jaǧdaida jauapty tarapty anyqtaudy qiyndatyp otyr.
Joǧary da aitylǧandai, qūrylys kompaniiasy būl mäselenı şeşıp bermek.
«Bız būl problemalarmen bırneşe ret äkımdıkke, basqaruşy kompaniiaǧa jügındık. Alaida, naqty jauap ta, nätije de joq. Bız endı būl jaǧdaidy jariia etıp, mäselenıŋ şeşımın qoǧam bolyp talap etıp otyrmyz”, - deidı tūrǧyndar.
Dana Nūrmūhanbet
«Adyrna» ūlttyq portaly
Deputat Tūrlyhanov ortanşy ūlynyŋ äielge qol köteruıne orai qyzmetten keter-ketpesın aitpady (VİDEO)
