Álııa Nazarbaeva jelide anasy týraly áserli jazba qaldyrdy. Anasyn týǵan kúnimen quttyqtaǵan ol Elbasy men Sara Alpysqyzynyń sırek kezdesetin sýretin jarııalady, dep habarlaıdy KAZ.NUR.KAZ
Instagram-daǵy jazbasynda Álııa Nazarbaeva anasy Sara Alpysqyzy : «Qanshalyqty kóp mahabbat berseńiz, sonshasy ózińizge qaıtyp keledi» degen sózin qoldanǵan.
Týǵan kúnińizben, anashym! Mahabbat pen danalyǵyńyz úshin raqmet!», – dep jazdy ol sóz sońynda.
Jazba Sara Alpysqyzy men Elbasynyń kóp kezdese bermeıtin sýretimen birge jarııalanǵan. Nebári bir saǵatta Nazarbaevanyń jazbasy 4,5 myń lúpil jınaǵan.
Esterińizge sala keteıik, búgin Sara Alpysqyzy Nazarbaeva 79 jasqa toldy. Ol Qaraǵandy mańyndaǵy kishigirim aýylda dúnıge keldi.
Sara Alpysqyzy 1962 jyly oqýyn támamdaı sala elimizdiń tuńǵysh prezıdenti Nursultan Nazarbaevtyń jubaıy atanyp, úsh qyzdy tárbıelep ósirdi.
Sara Alpysqyzy elde qaıyrymdylyq qyzmetimen de tanymal. Ol 1992 jyly «Bóbek» qoryn qurdy, 1994 jyly «SOS – Qazaqstannyń balalar aýyly» qoryn basqardy, al bes jyldan keıin «Demografııa» qorynyń qamqorshylyq keńesiniń tóraıymy boldy.
Sonymen qatar, ol adamgershilik-rýhanı qundylyqtardy jańǵyrtýǵa, sondaı-aq balalardy úılesimde ómir súrýge úıretýge baǵyttalǵan «Ózin-ózi taný» kýrsyn bilim berý júıesine engizýdiń bastamashysy jáne avtory boldy.
“Adyrna” ulttyq portaly
