ءاليا نازارباەۆا جەلىدە اناسى تۋرالى اسەرلى جازبا قالدىردى. اناسىن تۋعان كۇنىمەن قۇتتىقتاعان ول ەلباسى مەن سارا الپىسقىزىنىڭ سيرەك كەزدەسەتىن سۋرەتىن جاريالادى، دەپ حابارلايدى KAZ.NUR.KAZ
Instagram-داعى جازباسىندا ءاليا نازارباەۆا اناسى سارا الپىسقىزى : «قانشالىقتى كوپ ماحاببات بەرسەڭىز، سونشاسى وزىڭىزگە قايتىپ كەلەدى» دەگەن ءسوزىن قولدانعان.
تۋعان كۇنىڭىزبەن، اناشىم! ماحاببات پەن دانالىعىڭىز ءۇشىن راقمەت!»، – دەپ جازدى ول ءسوز سوڭىندا.
جازبا سارا الپىسقىزى مەن ەلباسىنىڭ كوپ كەزدەسە بەرمەيتىن سۋرەتىمەن بىرگە جاريالانعان. نەبارى ءبىر ساعاتتا نازارباەۆانىڭ جازباسى 4,5 مىڭ ءلۇپىل جيناعان.
ەستەرىڭىزگە سالا كەتەيىك، بۇگىن سارا الپىسقىزى نازارباەۆا 79 جاسقا تولدى. ول قاراعاندى ماڭىنداعى كىشىگىرىم اۋىلدا دۇنيگە كەلدى.
سارا الپىسقىزى 1962 جىلى وقۋىن ءتامامداي سالا ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ جۇبايى اتانىپ، ءۇش قىزدى تاربيەلەپ ءوسىردى.
سارا الپىسقىزى ەلدە قايىرىمدىلىق قىزمەتىمەن دە تانىمال. ول 1992 جىلى «بوبەك» قورىن قۇردى، 1994 جىلى «SOS – قازاقستاننىڭ بالالار اۋىلى» قورىن باسقاردى، ال بەس جىلدان كەيىن «دەموگرافيا» قورىنىڭ قامقورشىلىق كەڭەسىنىڭ ءتورايىمى بولدى.
سونىمەن قاتار، ول ادامگەرشىلىك-رۋحاني قۇندىلىقتاردى جاڭعىرتۋعا، سونداي-اق بالالاردى ۇيلەسىمدە ءومىر سۇرۋگە ۇيرەتۋگە باعىتتالعان «ءوزىن-ءوزى تانۋ» كۋرسىن ءبىلىم بەرۋ جۇيەسىنە ەنگىزۋدىڭ باستاماشىسى جانە اۆتورى بولدى.
“ادىرنا” ۇلتتىق پورتالى
