Arman Jūmabekov QR Ūlttyq ekonomika ministrlıgı apparatynyŋ basşysy qyzmetınen bosatyldy, dep habarlaidy "Adyrna" ūlttyq portaly primeminister.kz-ke sılteme jasap.
QR ŪEM ministrınıŋ būiryǧymen Arman Daiyrūly Jūmabekov basqa jūmysqa auysuyna bailanysty Qazaqstan Respublikasy Ūlttyq ekonomika ministrlıgı apparatynyŋ basşysy qyzmetınen bosatyldy,- delıngen habarlamada.Arman Jūmabekov 1973 jyly Aqmola oblysynda düniege kelgen. E. Böketov atyndaǧy Qaraǧandy memlekettık universitetın bıtırgen. Eŋbek jolyn 1990 jyly Selinograd oblysynyŋ jinaq bankı Ereimentau filialynyŋ inspektory bolyp bastady. Är jyldary Aqmola oblysy boiynşa Salyq komitetınde, Memlekettık kırıster ministrlıgınde, QR Premer-Ministrınıŋ Keŋsesınde, QR Prezidentınıŋ Äkımşılıgınde jūmys ıstedı. 2018-2019 jyldary — QR Ūlttyq ekonomika ministrlıgınıŋ jauapty hatşysy. 2019 jyly — QR ūlttyq ekonomika bırınşı vise-ministrı. 2021 jylǧy qaŋtardan bastap QR ŪEM apparatynyŋ basşysy boldy.
"Adyrna" ūlttyq portaly
