Türkıstan oblysynda küdıktı er adam äielın kämeletke tolmaǧan balalarynyŋ közınşe öltırıp tastady. Qazır balalarǧa psihologiialyq kömek körsetılıp jatyr. Aimaqtaǧy polisiia departamentı baspasöz qyzmetınıŋ mälımetınşe, qylmystyq oqiǧa 29 säuır künı tüngı saǧat 02:45 şamasynda bolǧan. Oqiǧa ornyna jetken polisiia qyzmetkerlerı otbasylyq janjal kezınde äiel küieuınıŋ salǧan dene jaraqattarynan qaitys bolǧanyn anyqtaǧan, dep jazady "Adyrna" ūlttyq portaly aikyn.kz-ke sılteme jasap.
«Atalǧan jait Ordabasy audandyq ışkı ıster bölımınde Qylmystyq kodekstıŋ 99-baby 1-bölıgı «Kısı öltıru» boiynşa tırkeldı. Alynǧan zattai däleldemeler saraptamaǧa joldandy. Küdıktı özınıŋ äreketın moiyndap, ökınışın bıldırude. Qazırgı taŋda sotqa deiıngı tergep-tekseru amaldary jürgızılıp jatyr. Tergeu barysynda bolǧan oqiǧanyŋ barlyq män-jaiy anyqtalatyn bolady. Küdıktı er azamat qamauǧa alynǧan» delıngen habarlamada.Sonymen qatar, küdıktı dep tanylǧan Ordabasy audanynyŋ tūrǧyny polisiia bölımınde eşqandai profilaktikalyq esepte tūrmaǧany belgılı boldy. Osy künge deiın körşılerden nemese tuystarynan qandai da bır otbasylyq janjal turaly eşqandai aryz-şaǧym tüspegen. Äkımdık qyzmetkerlerı men polisiia bölımınıŋ basşylyǧy jäbırlenuşınıŋ tuystarymen kezdesıp, tüsındıru jūmystaryn jürgızdı. Erlı-zaiyptylardyŋ ata-analary kämeletke tolmaǧan tört balany öz qamqorlyqtaryna alatynyn aityp otyr. Polisiia men äkımdık tarapynan otbasyna barlyq qajettı kömek körsetu şaralary qataŋ baqylauǧa alyndy.
"Adyrna" ūlttyq portaly
Ūqsas jaŋalyqtar
