Şymkent qalasynyŋ äkımı Mūrat Äitenov Ortalyq kommunikasiialar qyzmetınıŋ brifingınde qalanyŋ täuelsızdık jyldaryndaǧy jetıstıkterın jan-jaqty baiandap berdı.
"Ūlt Köşbasşysy Nūrsūltan Nazarbaevtyŋ basşylyǧymen Qazaqstan täuelsızdık jyldarynda zor tabystarǧa qol jetkızdı. Sonyŋ ışınde Şymkent qarqyndy damu jolyna tüstı. Soŋǧy 30 jylda qala halqynyŋ sany 400 myŋnan bır millionnan astam adamǧa deiın östı. 1991 jyly qalada barlyǧy 72 mektep boldy, bügıngı künı olardyŋ sany 202-ge jettı. Täuelsızdık taŋynda Oquşylar sany 68 myŋ boldy, qazır qalalyq mektepterde 250 myŋnan astam bala oqidy. Mädeniet obektılerınıŋ sany 52-den 120-ǧa deiın, al sport obektılerı 337 – den 900-ge deiın ūlǧaidy. 90-şy jyldary qalada 27 Densaulyq saqtau nysany bolǧan, qazırgı uaqytta olardyŋ sany 110-ǧa jettı. Şymkent tūrǧyndarynyŋ ortaşa ömır süru ūzaqtyǧy 63,9 jastan 71 jasqa deiın ūlǧaidy", - dedı M.Äitenov.
Körsetılgen kezeŋde qalanyŋ önerkäsıp önımınıŋ kölemı 10 mlrd.teŋgeden 670 mlrd. teŋgege deiın ūlǧaidy. Qala biudjetı tiısınşe 1 mlrd. teŋgeden 497 mlrd. teŋgege deiın östı.
Şymkent qalasy äkımdıgınıŋ baspasöz qyzmetı
