Almaty qalasyndaǧy jūqpaly aurular auruhanasynda (Gorodskaia klinicheskaia infeksionnaia bolnisa imeni İ. S. Jakenovoi) 30-dan asa adam emdelıp jatyr. Bızge jetken aqparattarǧa qaraǧanda emhana därıgerlerı jūqpaly dertten qorǧaityn kiımdı (Protivochumnyi kostium) alǧaşqy künı alǧan. Bır kiıp tastaityn kiımdı sodan berı auystyrmaǧan.
Ol az bolsa, därıgerlerdı Gogol köşesındegı "Otyrar" qonaqüiıne karantinge jatqyzypty. Bıraq, tamaqpen qamtamas etpeptı. Bızdıŋ ömırımız üşın arpalysyp jürgen batyr därıgerlerımız qazır aş qalmau üşın özderı düken-dükenderdı kezıp jürgen körınedı (jalaqylary tamaqqa ketıp jatyr).
Basşylyq 3 uaqyt kiım auystyratynyn aityp, bärı keremet dep jurnalisterdı şyǧaryp salady eken.
Maǧan habarlasqan därıgerdıŋ ınısınıŋ jazǧan haty saqtauly tūr. Basqasy qūrysyn, ölım men ölım arasynda jürgen osyndai mamandardyŋ jaǧdaiyn jasap bere almasaq, bız mynau aty jaman ındettı qalai jeŋemız?
Mäselenı QR Prezidentı Qasym-Jomart Toqaevqa Berık Uäli, Karin Erlan aǧalarymyz jetkızse deimın. Būl jait Aqorda jaqtan şeşılmese, tömen jaq şyndyq üşın şyryldaǧan därıgerlerdı kınälı ete saluy mümkın.
Maǧan amanat jükteldı. Sol amanatqa qiianat jasamai QR Densaulyq saqtau ministrlıgınıŋ nazaryna tastadyq, mıne! Mäselege ministr Yelzhan Birtanov myrza bei-jai qaramas dep oilaimyn! Qytailardai därıgerlerge qūrmet körsete almasaq ta, jaǧdaiyn jasap beruge bolady ǧoi!
Qanat ÄBILQAIYR
Ūqsas jaŋalyqtar
