قر اقپارات جانە قوعامدىق دامۋ مينيسترلىگى تانىمال الەۋمەتتىك جەلىنىڭ نە ءۇشىن بۇعاتتالعانىنا تۇسىنىكتەمە بەردى، دەپ حابارلايدى "ادىرنا" ۇلتتىق پورتالى Stan.kz-كە سىلتەمە جاساپ.
"Pinterest سايتىنا قاتىستى ايتارىمىز، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ 2019 جىلدىڭ 31 جەلتوقسانى مەن 2020 جىلدىڭ 13 قاڭتارىنداعى بۇيرىعىنا وراي اتالعان ينتەرنەت-رەسۋرستى قولدانۋعا شەكتەۋ قويىلدى. بۇعان سەبەپ - جەلى ارقىلى زاڭعا قايشى ينتەرنەت-كازينولاردىڭ جارنامالارىنىڭ تارالۋى. Pinterest.com سايتىن بۇعاتتاۋعا نەگىز بولعان بارلىق ماتەريالدار ءالى الىنبادى، ياعني زاڭبۇزۋشىلىق ارەكەتتەرى تۇزەتىلمەدى", - دەدى مينيسترلىك وكىلدەرى.
اقپارات جانە قوعامدىق دامۋ مينيسترلىگىنىڭ وكىلدەرى سايت تاراپىنا بىرنەشە رەت ەسكەرتۋ جولدانعانىن اتاپ ءوتتى. بۇعان قوسا، ولار Pinterest-ءتىڭ ءموبيلدى قوسىمشاسى قازاقستاندا جۇمىس قالىپتى جۇمىس ىستەپ تۇرعانى جەتكىزدى.
ايتا كەتەيىك، Pinterest - قولدانۋشىلارعا سۋرەتتەردى جەلىگە جۇكتەۋگە، ولاردى تاقىرىپتارىنا سايكەس جيناقتارعا ەنگىزۋگە جانە باسقا قولدانۋشىلارمەن بولىسۋگە مۇمكىندىك بەرەتىن الەۋمەتتىك ينتەرنەت جەلىسى، فوتوحوستينگى. بۇل رەسۋرس ديزاينەرلەر اراسىندا كەڭىنەن تانىمال.
"ادىرنا" ۇلتتىق پورتالى
ۇقساس جاڭالىقتار
