قازاقستان ينتەرنەتكە قولجەتىمدىلىك بويىنشا وڭىرلىك كوشباسشى اتاندى، دەپ حابارلايدى "ادىرنا" ءتىلشىسى.
Ookla مالىمەتىنشە 2023 جىلعى SpeedTest Global Index ءداستۇرلى رەيتينگىندە قازاقستان 146 مەملەكەت اراسىندا 72-ءشى ورىندى يەلەندى. كومپانيا ساراپشىلارىنىڭ مالىمەتتەرى بويىنشا، رەسپۋبليكادا ءموبيلدى جۇكتەۋ جىلدامدىعى 2022 جىلدىڭ اياعىنان باستاپ 2023 جىلدىڭ جەلتوقسانىندا 21,29 مبيت/س-تان 35,07 مبيت/س-قا دەيىن 61% - عا جاقساردى.
سونداي-اق Ookla-نىڭ رەسمي وكىلدەرى قازاقستان تسيفرلىق ترانسفورماتسيا ستراتەگياسى اياسىندا 5G تەحنولوگياسىن قولدانۋعا ۇمتىلاتىنىن دا اتاپ ءوتتى.
ء"موبيلدى ينتەرنەت جىلدامدىعى بويىنشا قازاقستان وزبەكستان سياقتى كورشى ەلدەرمەن سالىستىرعاندا 95-ورىندا، قىرعىزستان 100-ورىندا جانە تاجىكستان 141-ورىندا. بۇل رەتتە قازاقستان تمد وڭىرىندە ينتەرنەتتى پايدالانۋدىڭ ەڭ جوعارى دەڭگەيىنە يە. قازاقستان حالقىنىڭ 95,7% - ى ينتەرنەتتى پايدالانادى", - دەلىنگەن Ookla ەسەبىندە.