ۇلكەن الماتى اينالما اۆتوجولىنىڭ ء(ۇاااج) اقىلى بولىكتەرىنە تولەم تاريفتەرى قانشالىقتى جانە نە سەبەپتى وزگەرەدى؟ بۇل تۋرالى قازاقستان رەسپۋبليكاسى كولىك مينيسترلىگى Centralmedia24 رەداكتسياسىنىڭ سۇراۋىنا جاۋاپ بەرە وتىرىپ، ءتۇسىندىردى، دەپ حابارلايدى “ادىرنا”.
مينيسترلىك «اشىق نقا» پورتالىندا ءۇاااج بويىنشا ءجۇرۋ اقىسىنىڭ مولشەرىن وزگەرتۋ تۋرالى بۇيرىق جوباسىن جاريالاعانىمەن، ناقتى مالىمەتتەر كەلتىرىلمەگەن. وسىعان بايلانىستى Centralmedia24 رەداكتسياسى مينيسترلىككە ناقتىلاۋشى سۇراۋ جولداعان. مينيسترلىكتىڭ تۇسىندىرۋىنشە، 66 شاقىرىمدىق ءۇاااج بويىنشا ءجۇرۋ اقىسى ايلىق ەسەپتىك كورسەتكىشكە (اەك) جانە كولىكتىڭ جولدا بولعان ۋاقىتىنا بايلانىستى ەسەپتەلەدى.
جاڭا جوسپارلانعان تاريفتەر كەلەسىدەي:
- جەڭىل اۆتوكولىكتەر ءۇشىن – 0,14 اەك (550,48 تەڭگە), بۇرىنعىسى – 0,07 اەك (275,24 تەڭگە)
- 16 جولاۋشىعا دەيىنگى اۆتوبۋستار جانە 2,5 تونناعا دەيىنگى جۇك كولىكتەرى – 0,16 اەك (629,12 تەڭگە), بۇرىن – 0,08 اەك (314,56 تەڭگە)
- 32 جولاۋشىعا دەيىنگى اۆتوبۋستار جانە 5,5 تونناعا دەيىنگى جۇك كولىكتەرى – 0,28 اەك (1100,96 تەڭگە), بۇرىن – 0,14 اەك (550,48 تەڭگە)
- 32 جولاۋشىدان اساتىن اۆتوبۋستار جانە 10 تونناعا دەيىنگى جۇك كولىكتەرى – 0,32 اەك (1 258,24 تەڭگە), بۇرىن – 0,16 اەك (629,12 تەڭگە)
- 10-15 توننا ارالىعىنداعى جۇك كولىكتەرى – 0,4 اەك (1 573,8 تەڭگە), بۇرىن – 0,2 اەك (786,4 تەڭگە)
- 15 توننادان اساتىن جۇك كولىكتەرى – 0,44 اەك (1 727,88 تەڭگە), بۇرىن – 0,22 اەك (865,04 تەڭگە)
سونىمەن قاتار، تالعار، قاراساي جانە ىلە اۋداندارىنىڭ ەلدى مەكەندەرىندە تىركەلگەن كولىك يەلەرى ءۇشىن ايلىق نەمەسە جىلدىق ابونەمەنت بولعان جاعدايدا، ءۇاااج ارقىلى ءجۇرۋ قۇنى وسى ابونەمەنتتىڭ
قازىرگى تاڭدا ابونەمەنت باعاسى كەلەسىدەي:
– ايلىق ابونەمەنت – 0,5; 0,6; 1; 1,5; 2; 2,5 اەك (كولىك ساناتىنا بايلانىستى)
– جىلدىق ابونەمەنت – 5; 6; 10; 15; 20; 25 اەك
جەڭىلدىكتەر مەن تولەم شارتتارى
مينيسترلىك جەڭىلدىكپەن تولەۋ مەرزىمى 15 كۇننەن 7 كۇنگە قىسقاراتىنىن حابارلادى. سونىمەن بىرگە، جاڭا جوبادا مىناداي جەڭىلدىكتەر قاراستىرىلعان:
- الدىن الا تولەم جاساعان جاعدايدا، ياعني جول اقىسىن تولەمدى ۋچاستوككە كىرمەي تۇرىپ جۇرگىزسە – ءتاريفتىڭ 50% جەڭىلدىگى بەرىلەدى
- كەيىن تولەۋ – جولدان وتكەننەن كەيىن 7 كۇن ىشىندە تولەم جۇرگىزىلسە دە 50% جەڭىلدىك قاراستىرىلعان
بۇل وزگەرىستەردىڭ باستى سەبەبى – جول اقىسىن ۋاقتىلى تولەۋگە ىنتالاندىرۋ جانە قولدانۋشىلاردىڭ تولەم كەشىكتىرمەۋىن قامتاماسىز ەتۋ.
مينيسترلىك بۇل شارالار جولاقى تولەۋ جۇيەسىمەن پايدالانۋشىلاردىڭ ءوزارا ارەكەتىن جەڭىلدەتۋگە باعىتتالعانىن جانە جوعارى اۋديت پالاتاسىنىڭ ۇسىنىمدارىنا سايكەس ەنگىزىلگەنىن ايتتى. تۇسكەن قاراجات رەسپۋبليكالىق بيۋدجەتكە باعىتتالادى.
Centralmedia24 رەداكتسياسى ءۇاااج ارقىلى جۇرۋدەن جىل سايىن قانشا قاراجات تۇسەتىنىن ناقتىلاپ سۇراعان. الايدا مينيسترلىك بۇل مالىمەتتەردى جولدى پايدالانۋعا جانە ونى باسقارۋعا جاۋاپتى كونتسەسسيونەر يەلىگىندە ەكەنىن ايتىپ، ناقتى اقپارات بەرە المادى.
سونداي-اق، ۆەدومستۆو ءۇاااج-نىڭ تەحنيكالىق جاعدايى جاقسى ەكەنىن جانە كاپيتالدىق جوندەۋدى قاجەت ەتپەيتىنىن اتاپ ءوتتى.
ايتا كەتسەك، ءۇاااج قۇرىلىسى 2014 جىلى باستالادى دەپ جوسپارلانعان، 2018 جىلى اياقتالۋى كەرەك ەدى. الايدا ناقتى قۇرىلىس جۇمىستارى تەك 2019 جىلى باستالىپ، 2023 جىلى اياقتالدى. جولدى «باكاد ينۆەستيتسي ي وپەراتسي» جشس كونتسەسسيونەرى باسقارادى.
