شىمكەنتتە موپەد جۇرگىزۋشىسىن قۋعان پوليتسەي تاس لاقتىردى

1051
Adyrna.kz Telegram
https://adyrna.kz/content/uploads/2024/05/whatsapp-image-2024-05-19-at-15.07.28-960x500.jpeg?token=906a00e96d9243d26bb2d8f8475f8d5c
الەۋمەتتىك جەلىدە شىمكەنت قالاسىندا موپەد جۇرگىزۋشىسى مەن پوليتسەي اراسىندا بولعان وقيعا قىزۋ تالقىلانۋدا، دەپ حابارلايدى “ادىرنا” ۇلتتىق پورتالى. كادرلاردان پوليتسەيلەردىڭ ءبىرى موپەد جۇرگىزۋشىسىن توقتاتپاق بولعانىمەن، جۇرگىزۋشى وقيعا ورنىنان قاشىپ ۇلگەرگەنى بايقالادى. وسى ساتتە ءتارتىپ ساقشىسى ونىڭ سوڭىنان تاس لاقتىرادى. جەلى قولدانۋشىلارى وقيعاعا ءتۇرلى پىكىر ءبىلدىرىپ جاتىر: ءبىرى موپەدشىنى قولداسا، ەندى ءبىرى پوليتسەيدىڭ ارەكەتىن تۇسىنىستىكپەن قابىلداعان. “قارۋ ورنىنا تاس قولداندى”، “ايىپپۇل سالعىسى كەلگەن، بىراق قاشىپ كەتتى”، “مەن جەتپەسەم، تاس جەتەدى”، – دەپ جازدى جەلى قولدانۋشىلارى. شىمكەنت قالالىق پد اتالعان جاعدايدىڭ وتكەن اپتادا ورىن العانىن راستادى. “موپەد جۇرگىزۋشىسى جول قوزعالىسى ەرەجەلەرىن بۇزىپ، پوليتسەيدىڭ زاڭدى تالابىنا باعىنباعان. ونىڭ بۇل ارەكەتى جول قوزعالىسى قاۋىپسىزدىگىنە قاۋىپ ءتوندىردى. جۇرگىزۋشى ۇستالىپ، جاۋاپكەرشىلىككە تارتىلدى”، – دەلىنگەن رەسمي مالىمدەمەدە. سونداي-اق ۆەدومستۆو پوليتسەيدىڭ تاس لاقتىرۋ ارەكەتىنە قاتىستى قىزمەتتىك تەكسەرىس باستالعانىن حابارلادى. “پوليتسەيدىڭ ارەكەتى ىشكى ءتارتىپ نورمالارىنا سايكەس كەلمەگەندىكتەن، وعان قاتىستى قىزمەتتىك تەكسەرىس جۇرگىزىلۋدە. تەكسەرىس ناتيجەسىندە قۇقىقتىق باعا بەرىلەدى”، – دەپ تولىقتىردى پد ءباسپاسوز قىزمەتى.
پىكىرلەر