شىمكەنتتەگى كوشەلەردىڭ بىرىندە قىز بالانى ولتىرگەن ەر ادام ۇستالدى، دەپ حابارلايدى "ادىرنا" ۇلتتىق پورتالى.
جەدەل-ىزدەستىرۋ شارالارى بارىسىندا 21 جاستاعى شىمكەنت تۇرعىنىن ءولتىردى دەگەن كۇدىككە ىلىنگەن ەر ادام ۇستالدى. بۇل تۋرالى قالا پوليتسياسى حابارلادى.
ىزدەۋ جۇمىستارىنا پوليتسيا دەپارتامەنتىنىڭ بارلىق جەكە قۇرامى جۇمىلدىرىلعان. قالاعا كىرىپ-شىعۋ باعىتتارىندا باقىلاۋ كۇشەيتىلىپ، جاقىن ماڭداعى اۋماقتار تولىق تەكسەرىلگەن.
«كۇدىكتى قالادان شامامەن 10 شاقىرىم قاشىقتىقتاعى اشىق الاڭنان تابىلىپ، ۇستالدى»، — دەلىنگەن پوليتسيا حابارلاماسىندا.
قازىرگى ۋاقىتتا 28 جاستاعى شىمكەنت تۇرعىنى ۋاقىتشا ۇستاۋ يزولياتورىنا قامالدى. الدىن الا مالىمەت بويىنشا، كۇدىكتى مارقۇم قىزبەن بۇرىن تانىس بولعان.
«قىلمىستىڭ سەبەپتەرى مەن بارلىق ءمان-جايىن تەرگەۋ بارىسىندا انىقتايمىز. ادام ءولتىرۋ دەرەگى بويىنشا قىلمىستىق ءىس قوزعالدى»، — دەپ مالىمدەدى پوليتسيا.
سونىمەن قاتار، بەيرەسمي دەرەكتەردە قىز بەن جىگىتتىڭ بىرنەشە ۋاقىت ءسوز بايلاسقانى ايتىلعان.
