كوپشىلىككە "شاكەنتي" لاقاپ اتىمەن تانىمال قازاقستاندىق اكتەر ءارى بلوگەر ءشارىپ سەرىك ءجۇرىپ جۇرگەن قىزىن سوققى جىققان. بۇل تۋرالى ءاليا بوتەەۆا Instagram پاراقشاسىنداعى جازباسىندا باياندادى، دەپ حابارلايدى “ادىرنا” ۇلتتىق پورتالى.
ول سۇيگەن ادامىنىڭ وزىنە قول كوتەرگەنى جايلى ايتىپ وتىرۋ — ءۇش ۇيىقتاسا تۇسىنە كىرمەگەنىن ايتتى. ونىڭ ايتۋىنشا، سەنىم مەن ماحابباتتان باستالعان سەزىم كۇش كورسەتۋگە دەيىن ۇلاسىپ بارىپ، اياقتالدى. بەينەجازبادا ءشارىپتىڭ قىزدى جۇلقىلاپ، ليفتىدەن شىعارىپ جاتقانى كورسەتىلگەن. ال سۋرەتتە ءاليا سوققى تيگەن ءجۇزىن كورسەتتى.
«مەن فيزيكالىق جاعىنان ءالسىز بولسام دا، مورال تۇرعىسىنان قابىلداۋعا بولمايتىن نارسەنى ايتپاي، ۇندەمەي قويا سالاتىنداي ءالسىز ادام ەمەسپىن. مەن ءوزىمدى جانە ءوز ابىرويىمدى قورعاۋعا ءماجبۇرمىن» دەپ جازدى ءاليا.
سونداي-اق ، ءاليا قۇزىرلى ورگاندارعا ارىز جازباعانى تۋرالى دا ءوز جازباسىندا ايتا كەتتى.
