وسىدان 77 جىل بۇرىن (1945-2017) اكتەر، قازاقستان رەسپۋبليكاسىنىڭ حالىق ءارتىسى قۇمان نۇرماعانۇلى تاستانبەكوۆ دۇنيەگە كەلدى. الماتى وبلىسى سارقانت اۋدانى، ەكىاشا اۋىلىندا دۇنيەگە كەلدى. ومىرىن ونەرگە ارناعان ساحنا مايتالمانى م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا 30 جىلدان اسا سپەكتاكلدەردە كوپتەگەن رولدەردى ءساتتى سومدادى.
«قىز جىبەك» فيلمىندەگى تولەگەن باتىردى ويناعان العاشقى ءرولى تانىلۋىنا سەبەپ بولدى. فيلم ەكرانعا شىققان سوڭ، اراعا ءبىر جىل سالىپ قۇمان تاستانبەكوۆ باستى ءرولدى ويناعان مەرۋەرت وتەكەشوۆامەن شاڭىراق كوتەردى.
«قىز جىبەكتەن» كەيىن قۇمان تاستانبەكوۆ پەن مەرۋەرت وتەكەشوۆا ەكەۋى «مەنىڭ اعام» فيلمىنە تۇسەدى. قۇمان – قازاقستاننىڭ العاشقى كومسومولى عاني مۇراتباەۆتى سومداسا، مەرەۋەرت وتەكەشوۆا – ونىڭ جارى راۋشاننىڭ رولىندە وينايدى. ولاردىڭ بالالارىمەن بىرگە تۇسكەن تاعى ءبىر «وتباسىلىق» كينوكارتينا – «ورنامەنت». قۇمان تاستانبەكوۆ توبە كورسەتكەن كەز كەلگەن فيلم قازاق كينوسىنىڭ التىن قورىنا اينالدى.
"ادىرنا" ۇلتتىق پورتالى
