18 ناۋرىزدا قازاقستاندا رەسەيدىڭ سۇرانىسى بويىنشا گرۋزيا ساياساتكەرى لەۆان ۆارشالوميدزە ۇستالعان. ول قازىر قازاقستاننان بوساتىلدى، دەپ حابارلايدى “ادىرنا” ۇلتتىق پورتالۋ.
ول 2004-2012 جىلدارى ادجاريا ۇكىمەتىنىڭ توراعاسى قىزمەتىن اتقارعان جانە وسى كەزەڭدە ءوڭىردىڭ تۋريستىك جانە ينۆەستيتسيالىق تارتىمدىلىعى ارتا تۇسكەن. ۆارشالوميدزە اتىراۋ اۋەجايىندا ۇستالدى. ول ستامبۇلدان ۋكرايناعا بارا جاتقان كەزدە قازاقستان ارقىلى ترانزيتپەن وتپەك بولعان.
رەسەي بيلىگى وعان «ۋكراينا بيلىگىنە ساياسي كەڭەس بەرۋ قىزمەتى» بويىنشا قىلمىستىق ءىس قوزعاعان. گرۋزيانىڭ «ۇلتتىق قوزعالىس» پارتياسىنىڭ وكىلى لەۆان بەجاشۆيلي بۇل جاعدايدى زاڭسىز دەپ اتاپ، ۋكراينا مەن قازاقستان بيلىگىمەن دۇرىس كوممۋنيكاتسيا ورناتۋ قاجەتتىگىن مالىمدەگەن.
الايدا، 20 ناۋرىزدا بۇرىنعى تبيليسي مەرى گيگي ۋگۋلاۆا YouTube ارناسىندا بەرگەن سۇحباتىندا بۇل ماسەلەنى كوتەرىپ، حالىقارالىق دەڭگەيدە تالقىلاعاننان كەيىن، 21 ناۋرىزدا ۆارشالوميدزە بوستاندىققا شىققانى بەلگىلى بولدى. ول 20 ناۋرىزدا امستەردامعا ۇشىپ كەتكەن. ونىڭ بوساتىلۋىنا ۋكراينا ۇكىمەتى ىقپال ەتكەن.
