استانادا اۆتوسەرۆيس ورتەندى. سالدارىنان ءبىر ادام ۋلانىپ، جەدەل جاردەم قىزمەتكەرىنىڭ كومەگىنە جۇگىندى. بۇل تۋرالى توتەنشە جاعدايلار مينيسترلىگى مالىمدەدى, دەپ حابارلايدى “ادىرنا” ۇلتتىق پورتادى.
اقپاراتقا سايكەس، تاۋەلسىزدىك كوشەسىندە ورنالاسقان تەحنيكالىق قىزمەت كورسەتۋ ستانتسياسىندا شىققان ءورت ءسوندىرىلدى.
«ءورت 200 شارشى مەتر اۋماقتا ءسوندىرىلدى. عيماراتتىڭ شاتىرىنا وتتىڭ اۋىسۋىمەن، بوياۋ تسەحىندا ءورت ورىن الدى. اۆتوكولىكتەرگە قىزمەت كورسەتۋ ورتالىعىنىڭ ءبىر قىزمەتكەرى جانۋ ونىمدەرىمەن ۋلانىپ، جەدەل جاردەم بريگاداسىنىڭ قىزمەتىنە جۇگىندى»، - دەپ جازدى تجم.
