اقتوبەلىك ءادىلحان قوپاباەۆ Apple كومپانياسىنىڭ ورتالىق ازيا مەن ارمەنياداعى باسشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
اقتوبەلىك 29 جاستاعى ءادىلحان قوپاباەۆ الەمگە ايگىلى Apple كومپانياسىنىڭ ورتالىق ازيا مەن ارمەنيا ايماعىنداعى قىزمەتىن باسقاراتىن جەتەكشى رەتىندە تاعايىندالدى. جاڭا قىزمەتىن ول دۋبايداعى كەڭسەدەن اتقاراتىن بولادى. بۇل جاڭالىقتى ءادىلحان ءوزىنىڭ الەۋمەتتىك جەلىدەگى پاراقشاسىندا جاريالادى.
ءادىلحان قوپاباەۆ 2017 جىلى وڭتۇستىك كورەياداعى ۋلسان ۇلتتىق عىلىم جانە تەحنولوگيالار ينستيتۋتىن (UNIST) «قالا ينجەنەرى جانە تەحنولوگيالىق مەنەدجمەنت» ماماندىعى بويىنشا ۇزدىك بىتىرگەن. وقۋ كەزىندە ول UNIST Global Uni-Star اتتى بەدەلدى ستيپەنديانىڭ يەگەرى اتاندى.
2021 جىلى اقش-تىڭ پروۆيدەنس قالاسىنداعى براۋن ۋنيۆەرسيتەتىندە مەملەكەتتىك باسقارۋ ماگيسترى دارەجەسىن الىپ، روكفەللەر قورىنىڭ ستيپەندياسىن جەڭىپ الدى.
Apple كومپانياسىنا دەيىن ءادىلحان حالىقارالىق كونسالتينگتىك جانە IT كومپانيالاردا قىزمەت اتقارعان. 2023 جىلى قازاقستان رەسپۋبليكاسى ەنەرگەتيكا مينيسترلىگىنە قاراستى «مۇناي جانە گاز اقپاراتتىق-تالداۋ ورتالىعىن» باسقاردى جانە مۇناي-گاز سالاسىنىڭ «جاعدايلىق-تالداۋ ورتالىعى» باسقارماسىنىڭ توراعاسى بولدى.
2024 جىلى ول قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى كەڭەسىنىڭ قۇرامىنا ەندى.
ءادىلحان قوپاباەۆتىڭ Apple كومپانياسىنىڭ ايماقتىق باسشىسى بولىپ تاعايىندالدى.
