Aqtóbelik Ádilhan Qopabaev Apple kompanııasynyń Ortalyq Azııa men Armenııadaǵy basshysy bolyp taǵaıyndaldy, dep habarlaıdy "Adyrna" ulttyq portaly.
Aqtóbelik 29 jastaǵy Ádilhan Qopabaev álemge áıgili Apple kompanııasynyń Ortalyq Azııa men Armenııa aımaǵyndaǵy qyzmetin basqaratyn jetekshi retinde taǵaıyndaldy. Jańa qyzmetin ol Dýbaıdaǵy keńseden atqaratyn bolady. Bul jańalyqty Ádilhan óziniń áleýmettik jelidegi paraqshasynda jarııalady.
Ádilhan Qopabaev 2017 jyly Ońtústik Koreıadaǵy Ýlsan ulttyq ǵylym jáne tehnologııalar ınstıtýtyn (UNIST) «qala ınjeneri jáne tehnologııalyq menedjment» mamandyǵy boıynsha úzdik bitirgen. Oqý kezinde ol UNIST Global Uni-Star atty bedeldi stıpendııanyń ıegeri atandy.
2021 jyly AQSh-tyń Provıdens qalasyndaǵy Braýn ýnıversıtetinde memlekettik basqarý magıstri dárejesin alyp, Rokfeller qorynyń stıpendııasyn jeńip aldy.
Apple kompanııasyna deıin Ádilhan halyqaralyq konsaltıngtik jáne IT kompanııalarda qyzmet atqarǵan. 2023 jyly Qazaqstan Respýblıkasy Energetıka mınıstrligine qarasty «Munaı jáne gaz aqparattyq-taldaý ortalyǵyn» basqardy jáne munaı-gaz salasynyń «Jaǵdaılyq-taldaý ortalyǵy» basqarmasynyń tóraǵasy boldy.
2024 jyly ol Qazaqstan Respýblıkasy Prezıdentiniń janyndaǵy Jastar saıasaty keńesiniń quramyna endi.
Ádilhan Qopabaevtyń Apple kompanııasynyń aımaqtyq basshysy bolyp taǵaıyndaldy.
