بەلگىلى جازۋشى مۇحتار ماعاۋيننىڭ جانازاسى 11 قاڭتار كۇنى اقش-تىڭ مەريلەند شتاتىندا جەرگىلىكتى ۋاقىتپەن 10:00–دە تۇرىكتىڭ Diyanet Center of America مەشىتىندە وتەدى جانە سول شتاتتىڭ زيراتىنا جەرلەنەدى. بۇل تۋرالى امەريكاداعى قازاقستاندىقتار اگەنتتىككە مالىمدەدى، دەپ حابارلايدى “ادىرنا” ۇلتتىق پورتالى.
“مۇحتار ماعاۋيننىڭ جانازاسى قاڭتاردىڭ 11-ءى، سەنبى كۇنى ساعات 10:00–دە لەنحەم قالاسىنداعى تۇرىكتىڭ Diyanet Center of America مەشىتىندە وقىلادى، قوناقاسى دا سول ورىندا 13:00–دە بەرىلەدى. جەرلەۋ ءراسىمى 11:00–دە Parklawn Memorial زيراتىندا وتەدى”، — دەپ جازىلعان جازۋشىنىڭ ۇلى ەدىگە ماعاۋيننىڭ وتانداستارىنا جىبەرگەن حابارلاماسىندا.
ەسكە سالا كەتسەك، بۇگىن تاڭدا بەلگىلى جازۋشى مۇحتار ماعاۋين اقش-تا 85 جاسىندا دۇنيەدەن وزدى.
مەملەكەت باسشىسى قازاقستاننىڭ حالىق جازۋشىسى مۇحتار ماعاۋيننىڭ وتباسى مەن جاقىن-جۋىقتارىنا كوڭىل ايتۋ جەدەلحاتىن جولدادى.
