اقش پرەزيدەنتىنىڭ ءباسپاسوز حاتشىسى كارولين لەۆيتت دجو بايدەن كومانداسىن قارجىنى ىسىراپ ەتتى دەپ ايىپتادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ونىڭ ايتۋىنشا، اق ءۇيدىڭ بيۋدجەت قاراجاتى ءارتۇرلى ماقساتتارعا جۇمسالعان، سونىڭ ىشىندە قازاقستانداعى "دەزينفورماتسيامەن كۇرەسكە" 4,5 ميلليون دوللار بولىنگەن. الايدا، لەۆيتت بۇل قاراجاتتىڭ ناقتى قالاي جۇمسالعانى تۋرالى ەگجەي-تەگجەيلى اقپارات بەرمەدى.
سونداي-اق، ول گۆاتەمالاداعى جىنىس اۋىستىرۋ باعدارلاماسىنا 2 ميلليون دوللار بولىنگەنىن اتاپ ءوتتى.
"يراكتا جاڭا شوۋ جاساۋعا 20 ميلليون دوللار، ال قازاقستانداعى "جالعان اقپاراتپەن كۇرەسۋگە" 4,5 ميلليون دوللار ءبولىندى. بايدەن مىسىرداعى ء"تۋريزمدى قارجىلاندىرۋعا" تاعى 6 ميلليون دوللار ءبولدى", - دەدى لەۆيتت.
بۇعان دەيىن اق ءۇي USAID-ءتى "ال-كايدا" سودىرلارى ءۇشىن ازىق-تۇلىك پاكەتتەرىن قارجىلاندىردى دەپ ايىپتاعان بولاتىن. وسىعان بايلانىستى اقش پرەزيدەنتى دونالد ترامپ USAID باسشىلىعىندا بىرقاتار وتستاۆكالاردىڭ بولاتىنىن مالىمدەدى.
"بۇل اگەنتتىك راديكالدى ەسسىزدەر توبىنىڭ باسقارۋىندا. ءبىز ولاردى قىزمەتىنەن الاستاتامىز، سودان كەيىن شەشىم قابىلدايمىز", - دەدى ول.
ايتا كەتەيىك، USAID – اقش-تىڭ حالىقارالىق دامۋ اگەنتتىگى، ول شەتەلدەگى ازاماتتىق كومەك پەن دامۋ سالاسىنداعى ىنتىماقتاستىقتى باسقارۋعا جاۋاپتى.
