جەلىدە پوليتسيا قىزمەتكەرلەرىنىڭ جاس جىگىتتى اناسىنىڭ كوزىنشە كۇشتەپ اسكەرگە الىپ كەتپەك بولعانى تۇسىرىلگەن ۆيدەو تارادى، دەپ "ادىرنا" ۇلتتىق پورتالى.
الەۋمەتتىك جەلىدە تاراعان ۆيدەو كوپتىڭ اشۋىنا ءتيدى. ەكى پوليتسيا قىزمەتكەرى جاس جىگىتتى جەرگە قۇلاتىپ، ۇستاپ، اناسىنىڭ كوزىنشە ءبىر جاققا الىپ بارا جاتىر. ال ۇلىنا الاڭداعان اناسى ونى بوساتۋدى سۇراپ جىلاپ جۇرگەنىن كورۋگە بولادى. ۆيدەودا اقتوبە وبلىسىندا بولعانى كورسەتىلگەن.
اقتوبە وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى اردان سايماعامبەتوۆ ۆيدەوعا قاتىستى پىكىر بىلدىرگەن.
“بۇل مالىمدەمەلەردىڭ شىندىققا جاناسپايدى. قاقتىعىس بولعان جەرگە پوليتسيا قىزمەتكەرلەرى شاقىرتۋ بويىنشا بارعان. اسكەري كوميسساريات قىزمەتكەرلەرى مەن اسكەرگە شاقىرىلۋشىنىڭ اراسىندا جانجال بولعانى، جانجال كەزىندە اسكەرگە شاقىرىلعان جىگىتتىڭ باسقالاردى قورقىتىپ، ەلەكترشوكەر پايدالانعانى انىقتالدى. قوعامدىق قاۋىپسىزدىكتى قامتاماسىز ەتۋ ماقساتىندا پوليتسيا قىزمەتكەرلەرى زاڭعا سايكەس ارەكەت ەتتى. الايدا جاس جىگىت قارسىلىق كورسەتىپ، پوليتسەيلەردىڭ زاڭدى تالابىن ورىنداماعان", — دەدى پوليتسيا باستىعىنىڭ ورىنباسارى.
ونڭ سوزىنشە، اسكەري قىزمەتكەرلەردىڭ ارەكەتى بويىنشا جينالعان ماتەريال پروتسەسسۋالدىق شەشىم قابىلداۋ ءۇشىن اسكەري تەرگەۋ باسقارماسىنا جىبەرىلدى. پوليتسيا قىزمەتكەرلەرىنىڭ ارەكەتىنە قاتىستى دا تەكسەرىس جۇرگىزىلمەك.
