پرەزيدەنت قاسىم-جومارت توقاەۆ 2025 جىلدىڭ ناۋرىز-ماۋسىم جانە قىركۇيەك-جەلتوقسان ايلارىندا ازاماتتاردى مەرزىمدى اسكەري قىزمەتكە شاقىرۋ تۋرالى جارلىققا قول قويدى، دەپ حابارلايدى "ادىرنا" ۇلتتىق پورتالى اقورداعا سىلتەپ.
زاڭعا سايكەس، 2025 جىلدىڭ كوكتەمى مەن كۇزىندە اسكەري قىزمەت مەرزىمى اياقتالعان ساربازدار زاپاستاعى قۇرامعا شىعارىلاتىن بولادى.
18-27 جاس ارالىعىنداعى، كەيىنگە قالدىرۋ نەمەسە بوساتۋ قۇقىعى جوق ەر ازاماتتار قر قارۋلى كۇشتەرى، ءىىم (ىشكى ىستەر مينيسترلىگى), تجم (توتەنشە جاعدايلار مينيسترلىگى), ۇقك (ۇلتتىق قاۋىپسىزدىك كوميتەتى) جانە مەملەكەتتىك كۇزەت قىزمەتىنىڭ قاتارىنا شاقىرىلادى.
جەرگىلىكتى اكىمدىكتەر اسكەري باسقارۋ ورگاندارى ارقىلى ازاماتتاردى شاقىرۋ جۇمىستارىن ۇيىمداستىراتىن بولادى.
مەرزىمدى اسكەرگە شاقىرۋ تۋرالى جارلىق رەسمي جاريالانعان كۇننەن باستاپ كۇشىنە ەنەدى.
