سولتۇستىك قازاقستان وبلىسىندا جىل سوڭىنا دەيىن 45 اۋىل قىسقارتىلادى، دەپ حابارلايدى "ادىرنا" ۇلتتىق پورتالى "حابار" اگەنتتىگىنە سىلتەپ.
قازىر وسىعان بايلانىستى اكىمدىك پەن ءماسليحاتتىڭ بىرلەسكەن قاۋلىسى شىققان.
سولتۇستىك قازاقستان وبلىسىندا "جابىلايىن" دەپ تۇرعان اۋىلدىڭ ءبىرى - كراسنوپيوروۆكا. اۋىل تۇرعىنى اۋىلدان كوشكىسى كەلمەيتىنىن ايتقان.
“مەن ءوزىم قالادا تۇرا المايمىن. كوپ بولسام، قان قىسىمىم كوتەرىلىپ كەتەدى. كەزىندە بۇل ۇلكەن اۋىل ەدى. كەڭشاردا 12 مىڭ مال بولدى. قازاق، ورىس، تاتار – ءبارىمىز تاتۋ-ءتاتتى ءومىر سۇردىك”، – دەيدى كراسنوپيوروۆكا اۋىلىنىڭ تۇرعىنى اتلاس فايرۋشين.
سولتۇستىك قازاقستان وبلىسىندا بيىل ادام سانى وننان اسپايتىن 45 ەلدى مەكەن قىسقارتۋعا ۇشىرايتىن بولادى.
“بۇل اۋىلداردا 10 ادامنان كەم تۇرادى. ورتاشا ەسەپپەن جالپى مىسالى 3 ادام تۇراتىن بار، 5 ادام تۇراتىن بار، اۋىلدار بار. وسى 45 اۋىلدىڭ ىشىندە جەتەۋىندە مۇلدە تۇرعىن جوق. بۇل ازاماتتارعا باسقا پەرسپەكتيۆاسى جوعارى اۋىلدارعا كوشۋگە كومەك كورسەتىلەدى”، – دەدى وبلىس اكىمىنىڭ ءباسپاسوز حاتشىسى تيمۋر ابدىرەشوۆ.
