شىعىس قازاقستان وبلىسىنداعى تاس جولدا جارىلىس بولىپ، ەكى ادام قازا تاپتى. بۇل تۋرالى پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
«وقيعا بويىنشا قىلمىستىق ءىس قوزعالدى. قازىر وقيعانىڭ سەبەپتەرى مەن ءمان-جايىن انىقتاۋ ءۇشىن بارلىق قاجەتتى تەرگەۋ شارالارى جۇرگىزىلۋدە»، - دەپ حابارلادى پوليتسيا دەپارتامەنتى.
وقيعا وسكەمەن-سامارا تاس جولىنىڭ 75-ءشى شاقىرىمىندا بولعان. شقو پوليتسيا دەپارتامەنتىنىڭ مالىمەتىنشە، وقيعا VOLVO جۇك كولىگىندە بولعان.
جۇك كولىگىمەن تاسىمالدانعان زاتتىڭ جارىلۋى سالدارىنان كولىكتىڭ جۇرگىزۋشىسى مەن جولاۋشىسى قازا تاپتى. وقيعا ورنىنان تاراعان ۆيدەودا كولىكتىڭ كورىنىسى جوق، جارىلىس بولعان جەردىڭ ەداۋىر اپان بولىپ قالعانى بايقالادى.
