سەمەي-وسكەمەن تاس جولىندا ورىن العان جول-كولىك وقيعاسى (جكو) سالدارىنان ءۇش ادام قازا تاۋىپ، تاعى ۇشەۋى اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى قر ءىىم رەسمي ينتەرنەت-رەسۋرسىنا سىلتەپ.
«سوقتىعىس سالدارىنان ءبىر جۇرگىزۋشى مەن ەكى جولاۋشى قازا تاپتى، ءۇش زارداپ شەگۋشى ءتۇرلى جاراقاتتارمەن مەديتسينالىق مەكەمەگە جاتقىزىلدى»، - دەلىنگەن حابارلامادا.
مالىمەتتەرگە سايكەس، 25 تامىز كۇنى ساعات 03.30 شاماسىندا سەمەي-وسكەمەن تاس جولىندا Toyota Land Cruiser پەن Nissan Elgrand كولىكتەرى بەتپە-بەت سوقتىعىسقان.
اتالعان فاكتى بويىنشا كولىك قۇرالدارىن باسقاراتىن ادامداردىڭ ابايسىزدا ەكى نەمەسە ودان دا كوپ ادامنىڭ ولىمىنە اكەپ سوقتىرعان جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى بويىنشا سوتقا دەيىنگى تەرگەۋ باستالعانى حابارلاندى.
قازىرگى ۋاقىتتا ءتيىستى ساراپتامالار تاعايىندالدى، سوتقا دەيىنگى تەرگەپ-تەكسەرۋدىڭ تولىقتىعى مەن جان-جاقتىلىعىن قامتاماسىز ەتۋگە باعىتتالعان قاجەتتى تەرگەۋ ارەكەتتەرى جۇرگىزىلۋدە.
