قوستاناي وبلىسىنىڭ اكىمى قۇمار اقساقالوۆ جىتىقاراداعى ورتتەن بەس بالا قازا تاپقان قايعىلى وقيعا تۋرالى ايتتى، دەپ حابارلايدى “ادىرنا” ۇلتتىق پورتالى ناشا گازەتاعا سىلتەپ.
وبلىس باسشىسى رۋدنىي قالاسىنىڭ تۇرعىندارىمەن كەزدەسۋىندە ورتەنگەن بالالاردىڭ ولىمىنە قاتىستى پىكىر ءبىلدىردى.
"ەندى كوميسسيا تەكسەرەدى. ءبىز قازىر وسىنداي قايعىلى وقيعالاردىڭ الدىن الۋى ءتيىس بولعان قىزمەتتەر ءوز مىندەتىن اتقاردى ما، جوق پا، تەكسەرىپ جاتىرمىز. بىرىنشىدەن، ەسەپتە تۇرعان وتباسىلاردى گاز اناليزاتورلارىمەن جابدىقتاۋىمىز كەرەك. 2019 جىلى ول ۇيگە گاز اناليزاتورى ورناتىلعان. ول جۇمىس ىستەپ تۇرعان", – دەدى اكىم اقساقالوۆ.
اكىم تامىز ايىندا عانا وسى ءۇيدى تەكسەرگەن ەكەن.
"بىراق، بالانىڭ ايتۋىنشا، بىردەڭە ورتەنىپ كەتكەن. بارلىق ءمان-جايدى كوميسسيا انىقتاپ جاتىر. وكىنىشكە قاراي، وسىنداي قايعىلى وقيعا ورىن الدى. كەشىرىم سۇرايمىز", – دەدى وبلىس اكىمى.
5 بالاسىنان بىردەي ايىرىلعان اناسىنا الەۋمەتتىك كومەك بەرىلەدى.
"بۇگىن نەمەسە ەرتەڭ بارلىق قاجەتتى قۇرال-جابدىقتارى بار تۇرعىن ءۇي ساتىپ الىنادى، بىر-ەكى كۇندە جاسايمىز", – دەيدى قۇمار اقساقالوۆ.
وبلىس اكىمى زارداپ شەككەن وتباسى بۇرىن اتاۋلى الەۋمەتتىك كومەك الۋشى رەتىندە ەسەپتە تۇرعانىن دا اتاپ ءوتتى.
"وكىنىشكە قاراي، بالالاردىڭ اكەسى تۇرمەدە، اناسى قالاداعى دۇكەندەردىڭ بىرىندە جۇمىس ىستەگەن", – دەدى اقساقالوۆ.
ەسكە سالا كەتەيىك، قوستاناي وبلىسى جىتىقارا قالاسىندا جەكە تۇرعىن ۇيدە شىققان ءورت سالدارىنان ءۇي شاتىرى وپىرىلىپ ءتۇسىپ، بەس بالا قازا تاپقانى تۋرالى حابارلاعان ەدىك.
