قىزىلوردا وبلىسىندا مەكتەپ وقۋشىسىن ولتىرگەن بالاعا قاتىستى سوت وتىرىسى ءوتتى، دەپ حابارلايدى "ادىرنا" ۇلتتىق پورتالى.
مامىر ايىندا قىزىلوردا وبلىسىندا كىسى ولىمىنە قاتىستى دەرەك تىركەلگەن بولاتىن.
8 قازان كۇنى 9-سىنىپ وقۋشىسىنىڭ كەۋدە تۇسىنان ۇرىپ ولتىرگەن 10-سىنىپ وقۋشىلارىنا قاتىستى سوت وتىرىسى ءوتتى.
قازىرگى تاڭدا جوعارى سىنىپتىڭ ەكى وقۋشىسى سوتقا تارتىلدى. ولارعا قىلمىستىق كودەكسىنىڭ “دەنساۋلىققا قاساقانا اۋىر زيان كەلتىرۋ” جانە “بۇزاقىلىق” دەگەن ايىپ تاعىلدى.
شيەلى اۋدانى قودامانوۆ اۋىلىنىڭ 10-سىنىپ وقۋشىلارى 9-سىنىپ وقۋشىلارىن "سىيلاستىق تانىتپادى، امانداسپادى" دەگەن سىلتاۋمەن ولاردى جازالاماق بولىپ، قول كوتەرگەن. سوتتالۋشىلاردىڭ ءبىرى ءتىزىلىپ تۇرعان وزىنەن كىشى بالالاردىڭ بەتىنەن ۇرعان.
“سوتتالۋشى ك جابىرلەنۋشىنىڭ كەۋدە تۇسىنان جۇدىرىعىمەن قاتتى ۇرعان. جابىرلەنۋشىنىڭ جۇرەگى رەفلەكتورلى توقتاپ، ناتيجەسىندە اۋىر دەنە جاراقاتىنان مەرت بولدى", – دەلىنگەن سوتتا.
سوت شەشىمىمەن كامەلەتكە تولماعان ءبىر ءجاسوسپىرىم 6 جىل 8 ايعا باس بوستاندىعىنان ايىرىلدى. ال "بۇزاقىلىق جاساعانى ءۇشىن" ايىپتالىپ سوتقا تارتىلعان ەكى سوتتالۋشى تاراپتاردىڭ تاتۋلاسۋىنا بايلانىستى جازادان قۇتىلعان.
