Telegram ارقىلى 70-كە جۋىق ادامعا وزىنە قول سالۋعا بۇيرىق بەرىلگەنى انىقتالىپ وتىر، دەپ حابارلايدى "ادىرنا" ۇلتتىق پورتالى.
بۇل تۋرالى الماتى پروكۋراتۋراسى مالىمدەدى. بەلگىلى بولعانداي، سۋيتسيد جاساۋعا يتەرمەلەيتىن كونتەنتى بار Telegram ارناسى تابىلىپ، ونى بۇعاتتاۋ شارالارى قابىلدانعان.
تەكسەرۋ بارىسىندا 67 وقىرمان اكىمشىلىكتەن سۋيتسيدكە باعىتتالعان رولدىك كوماندالار العانى انىقتالدى.
"2024 جىلى 23 قىركۇيەكتە سوت المالى اۋدانى پروكۋرورىنىڭ دەسترۋكتيۆتى چاتقا تىيىم سالۋ تۋرالى تالابىن قاناعاتتاندىردى. سوت شەشىمى دەرەۋ مادەنيەت جانە اقپارات مينيسترلىگىنە ورىنداۋعا جولداندى", – دەلىنگەن پروكۋراتۋرا حابارلاماسىندا.
پروكۋراتۋرا اتا-انالارعا كۇدىكتى كونتەنت انىقتالعان جاعدايدا قۇقىق قورعاۋ ورگاندارىنا جۇگىنۋ قاجەتتىگىن ەسكەرتتى.
