الماتىدا ەر ادام ايەلىن ولتىرگەن، دەپ حابارلايدى "ادىرنا" ۇلتتىق پورتالى "نەمولچي" قورىنا سىلتەپ.
قايڭىلى وقيعا "اسىلتاۋ" تۇرعىن ءۇي كەشەندەرىنىڭ بىرىندە بولىپتى. ونى 17 تامىزعا قاراعان ءتۇنى "نەمولچيKZ" قورىنا بىرەۋ حابارلاعان.
ء"بىزدىڭ الماتىداعى تۇرعىن ءۇي كەشەنىندە تازالىقشى ايەلدى كۇيەۋى ۇرىپ ءولتىردى. بۇل سۇمدىق. ءبىزدىڭ ەلدە ايەلىن ۇرىپ-سوعىپ ءولتىرۋ سانگە اينالعان سياقتى. قىلمىسكەردى قولعا تۇسىرگەن سەكىلدى. ايەلدىڭ ءبىر قىزى بار، جاسى 45-تە ەدى. مەن ونى كۇندە كورەتىنمىن، سونداي ۇقىپتى ەدى. ەكى ۇيدەگى 14-15 قاباتقا دەيىن تاپ-تازا ەتىپ، جيناپ شىعاتىن”، – دەپ جازدى تۇرعىنداردىڭ ءبىرى.
الماتى پوليتسيا دەپارتامەنتى قايعىلى وقيعاعا قاتىستى قىلمىستىق ءىستىڭ قوزعالعانىن مالىمدەدى.
“الماتى پوليتسيا دەپارتامەنتى بۇل فاكتى بويىنشا قىلمىستىق ءىس قوزعالعانىن حابارلادى. كۇدىكتى ء"ىزىن سۋىتپاي" ۇستالىپ، ۋاقىتشا ۇستاۋ يزولياتورىنا جەتكىزىلدى. سوت-مەديتسينالىق ساراپتاما تاعايىندالدى”، – دەدى پوليتسيا دەپارتامەنتى.
