مولدوۆادا «ريا نوۆوستي» مەن «نەزاۆيسيمايا گازەتا» سايتتارى، سونداي-اق قىرىمدى وككۋپاتسيالاۋشى بيلىكپەن بايلانىستى ينتەرنەت-رەسۋرستار بۇعاتتالدى. مولدوۆانىڭ ەۋروينتەگراتسياسىنا قارسىلاردىڭ سايتى دا بۇعاتتالدى. بۇل تۋرالى DW سايتى جاريالادى، دەپ حابارلايدى “ادىرنا” ۇلتتىق پورتالى.
مولدوۆانىڭ اقپارات جانە قاۋىپسىزدىك قىزمەتى (احس) ەلدىڭ ۇلتتىق قاۋىپسىزدىگىنە نۇقسان كەلتىرەتىنىن ايتىپ، ەلدەگى جەتى ۆەب-سايتتى بۇعاتتاۋ تۋرالى بۇيرىق بەردى. ولاردىڭ تالابى مولدوۆا ينتەرنەت-پروۆايدەرلەرىنە 25 قىركۇيەكتە جىبەرىلدى.
رەسەيدىڭ مەملەكەتتىك اقپارات اگەنتتىگى «ريا نوۆوستي» مەن رەسەيلىك «نەزاۆيسيمايا گازەتا» سايتتارى بۇعاتتالدى. سونىمەن قاتار، مولدوۆا قولدانۋشىلارىنىڭ ماسكەۋ قۇرعان قىرىم «مەملەكەتتىك كەڭەسىنىڭ»، «قىرىم گازەتىنىڭ» جانە «Crimea24» تەلەارناسىنىڭ سايتتارىنا كىرۋىنە تىيىم سالىنباق.
جەتىنشى بۇعاتتالعان رەسۋرس - «Nu Nu Acum» («جوق. قازىر ەمەس») قوزعالىسىنىڭ سايتى، ول مولدوۆا ازاماتتارىن ەلدىڭ ەۋروپالىق وداققا كىرۋىنە قارسى داۋىس بەرۋگە شاقىرادى. بۇل ماسەلە بويىنشا رەفەرەندۋم 20 قازاندا مولدوۆاداعى پرەزيدەنت سايلاۋىندا داۋىس بەرۋمەن قاتار ءوتۋى ءتيىس.
