Moldovada «RIA Novostı» men «Nezavısımaıa gazeta» saıttary, sondaı-aq Qyrymdy okkýpaııalaýshy bılikpen baılanysty ınternet-resýrstar buǵattaldy. Moldovanyń eýroıntegraııasyna qarsylardyń saıty da buǵattaldy. Bul týraly DW saıty jarııalady, dep habarlaıdy “Adyrna” ulttyq portaly.
Moldovanyń Aqparat jáne qaýipsizdik qyzmeti (AHS) eldiń ulttyq qaýipsizdigine nuqsan keltiretinin aıtyp, eldegi jeti veb-saıtty buǵattaý týraly buıryq berdi. Olardyń talaby Moldova ınternet-provaıderlerine 25 qyrkúıekte jiberildi.
Reseıdiń memlekettik aqparat agenttigi «RIA Novostı» men reseılik «Nezavısımaıa gazeta» saıttary buǵattaldy. Sonymen qatar, Moldova qoldanýshylarynyń Máskeý qurǵan Qyrym «memlekettik keńesiniń», «Qyrym gazetiniń» jáne «Crimea24» telearnasynyń saıttaryna kirýine tyıym salynbaq.
Jetinshi buǵattalǵan resýrs - «Nu Nu Acum» («Joq. Qazir emes») qozǵalysynyń saıty, ol Moldova azamattaryn eldiń Eýropalyq Odaqqa kirýine qarsy daýys berýge shaqyrady. Bul másele boıynsha referendým 20 qazanda Moldovadaǵy prezıdent saılaýynda daýys berýmen qatar ótýi tıis.
