13 جىلدان كەيىن جاندانعان استاناداعى بارلىق LRT قۇرىلىسىنىڭ تىرەكتەرى ورناتىلدى، دەپ حابارلايدى “ادىرنا” ۇلتتىق پورتالى.
«تىرەكتەردىڭ قۇرىلىسى 100% اياقتالدى»، - دەدى City Transportation Systems.
2,5 مىڭ ادام 22 شاقىرىمدىق LRT پويىز جولىنا تىرەك بولاتىن 799 تىرەك تۇرعىزىپ بىتكەنى ايتىلدى.
«ولاردى تولتىرۋعا 53,7 مىڭ تەكشە مەتر بەتون جانە 42 مىڭ توننا ارماتۋرا جۇمسالدى. تىرەكتىڭ تومەنگى بولىگىنىڭ ەنى 2-2,4 مەتر، ۇستىڭگى بولىگى 6,8 مەتر، بيىكتىگى تراسسانىڭ رەلەفىنە بايلانىستى 5-تەن 18 مەترگە دەيىن وزگەرەدى، ءبىر تىرەكتىڭ ورتاشا سالماعى 200 توننانى قۇرايدى»، - دەلىنگەن حابارلامادا.
قۇرىلىس 2011 جىلى باستالدى، جوسپار بويىنشا 2020 جىلى سالىنىپ بىتەدى دەلىنگەن، بىراق مەرزىمدەرى وزگەرىپ، كەيىن سىبايلاس جەمقورلىق ىستەرىنە بايلانىستى جوبا تولىعىمەن توقتاپ قالعان. 2023 جىلى توقاەۆتىڭ تاپسىرماسىنان كەيىن قۇرىلىس جاندانا باستادى. جوسپارعا سايكەس، LRT 2026 جىلى تولىقتاي ىسكە قوسىلادى دەپ ۋادە ەتىلگەن.
