جوعارعى سوت ۇلتتىق ەكونوميكانىڭ ەكس-ءمينيسترى قۋاندىق بيشىمباەۆتىڭ سوتتالعان تۋىسى بايجانوۆتىڭ شاعىمىن قاراماق، دەپ حابارلايدى "ادىرنا" ۇلتتىق پورتالى.
باقىتجان بايجانوۆتى 13 مامىردا 4 جىلعا سوتتاعان بولاتىن. ول استانادا سالتانات نۇكەنوۆانىڭ ولىمىنە قاتىستى كۇدىكتى رەتىندە ۇستالىپ، ءىستى بولعان ەدى.
سوت كەڭسەسى بايجانوۆتىڭ اتىنان كاسساتسيالىق شاعىم تۇسكەنىن حابارلادى. سوت ونى سارسەنبى، 4 قىركۇيەكتە قاراماق.
الايدا قۋاندىق بيشىمباەۆتىڭ ءوزى ءالى جوعارعى سوتقا شاعىم تۇسىرگەن جوق. بۇل تۋرالى ونىڭ ادۆوكاتى ەرلان عازىمجانوۆ حابارلادى.
ايتا كەتەيىك، ەكس-مينيستر قۋاندىق بيشىمباەۆ ايەلى سالتانات نۇكەنوۆانى ءولتىردى دەگەن ايىپپەن 24 جىلعا سوتتالعان ەدى.
