فرانتسياداعى رەسەي ەلشىلىگى 24 تامىز كۇنى Telegram جەلىسىنىڭ نەگىزىن قالاۋشى پاۆەل دۋروۆتىڭ ۇستالعانى تۋرالى مالىمدەدى، دەپ حابارلايدى “ادىرنا” ۇلتتىق پورتالى. . بۇل تۋرالى رەسەي سىرتقى ىستەر مينيسترلىگى جازدى.
دەرەكتەرگە سەنسەك، ونىڭ جانىندا قۇربىسى جانە وققاعارى بولعان.
پاۆەل دۋروۆ پاريج ماڭىنداعى لە-بۋرجە اۋەجايىندا ۇستالعان. فرانتسياعا كاسىپكەر جەكە بيزنەس-دجەتىمەن ازەربايجاننان ۇشىپ بارعانى ايىلدى.
بۇعان دەيىن ول فرانتسيادا ىزدەۋ جاريالانعان ادامدار تىزىمىندە بولعان.
«قۇقىق قورعاۋ ورگاندارى Telegram-دا مودەراتسيانىڭ جوقتىعى جانە جەرگىلىكتى قىزمەتتەرمەن ىنتىماقتاسۋعا قۇلىقسىزدىق دۋروۆتى ەسىرتكى ساۋداسىنا، بالالارعا قارسى قىلمىستارعا جانە الاياقتىق سحەمالارعا سىبايلاس ەتەدى دەپ سانايدى» دەپ حابارلايدى جەرگىلىكتى TF1 تەلەارناسى.
Vc.ru مالىمەتىنشە، وسى جاڭالىقتان كەيىن ميللياردەرگە تيەسىلى Toncoin كريپتوۆاليۋتاسىنىڭ قۇنى 10% بەتەر تومەندەپ كەتكەن.
كەيبىر باق تاعىلعان ايىپتار بويىنشا ول 20 جىلعا دەيىن سوتتالۋى مۇمكىن دەگەن بولجام ايتىپ وتىر.
X الەۋمەتتىك جەلىسىنىڭ يەسى، كاسىپكەر يلون ماسك تا پاۆەل دۋروۆتىڭ فرانتسيادا ۇستالۋىنا قاتىستى پىكىر ءبىلدىردى.
«مىنە، ءبىرىنشى تۇزەتۋدىڭ (اقش كونستيتۋتسياسىنا) جارناماسى. ول وتە سەنىمدى»، - دەپ جازدى ول دۋروۆتىڭ تۇتقىندالۋىنا جاۋاپ رەتىندە.
ماسك سونىمەن قاتار 2030 جىلعا قاراي ەۋروپادا مەمدى ازىلدەرى ءۇشىن ءولىم جازاسىنا كەسىلەتىنىن دە مىسقىلداپ جوققا شىعارمادى.
پاۆەل دۋروۆ — بىرنەشە جىلدان بەرى فرانتسيا ازاماتى. دەگەنمەن سوڭعى جىلدارى نەگىزىنەن بىرىككەن اراب امىرلىكتەرىندە تۇرىپ كەلدى.
ەسكە سالا كەتەيىك، دۋروۆ وسىعان دەيىن قازاقستاندا دا بولىپ كەتكەن ەدى.
