Fransiiadaǧy Resei elşılıgı 24 tamyz künı Telegram jelısınıŋ negızın qalauşy Pavel Durovtyŋ ūstalǧany turaly mälımdedı, dep habarlaidy “Adyrna” ūlttyq portaly. . Būl turaly Resei Syrtqy ıster ministrlıgı jazdy.
Derekterge sensek, onyŋ janynda qūrbysy jäne oqqaǧary bolǧan.
Pavel Durov Parij maŋyndaǧy Le-Burje äuejaiynda ūstalǧan. Fransiiaǧa käsıpker jeke biznes-djetımen Äzerbaijannan ūşyp barǧany aiiyldy.
Būǧan deiın ol Fransiiada ızdeu jariialanǧan adamdar tızımınde bolǧan.
«Qūqyq qorǧau organdary Telegram-da moderasiianyŋ joqtyǧy jäne jergılıktı qyzmettermen yntymaqtasuǧa qūlyqsyzdyq Durovty esırtkı saudasyna, balalarǧa qarsy qylmystarǧa jäne alaiaqtyq shemalarǧa sybailas etedı dep sanaidy» dep habarlaidy jergılıktı TF1 telearnasy.
Vc.ru mälımetınşe, osy jaŋalyqtan keiın milliarderge tiesılı Toncoin kriptovaliutasynyŋ qūny 10% beter tömendep ketken.
Keibır BAQ taǧylǧan aiyptar boiynşa ol 20 jylǧa deiın sottaluy mümkın degen boljam aityp otyr.
X äleumettık jelısınıŋ iesı, käsıpker İlon Mask ta Pavel Durovtyŋ Fransiiada ūstaluyna qatysty pıkır bıldırdı.
«Mıne, bırınşı tüzetudıŋ (AQŞ Konstitusiiasyna) jarnamasy. Ol öte senımdı», - dep jazdy ol Durovtyŋ tūtqyndaluyna jauap retınde.
Mask sonymen qatar 2030 jylǧa qarai Europada memdı äzılderı üşın ölım jazasyna kesıletının de mysqyldap joqqa şyǧarmady.
Pavel Durov — bırneşe jyldan berı Fransiia azamaty. Degenmen soŋǧy jyldary negızınen Bırıkken Arab Ämırlıkterınde tūryp keldı.
Eske sala keteiık, Durov osyǧan deiın Qazaqstanda da bolyp ketken edı.
Ūqsas jaŋalyqtar
