باتىس قازاقستان مەديتسينا ۋنيۆەرسيتەتىنىڭ رەكتورى اسەت قاليەۆ ۇستالدى. اتالعان اقپاراتتى سىبايلاس جەمقورلىققا قارسى ءىس-قيمىل اگەنتتىگى راستادى، دەپ حابارلايدى “ادىرنا” ۇلتتىق پورتالى.
بۇعان دەيىن جەلىدە كۇدىكتىنىڭ 12 ميلليون تەڭگە پارا الۋ فاكتىسى بويىنشا ۇستالعانى جايلى اقپارات تاراعان ەدى.
«سىبايلاس جەمقورلىققا قارسى قىزمەت سوتقا دەيىنگى تەرگەپ-تەكسەرۋ شەڭبەرىندە م. وسپانوۆ اتىنداعى باتىس قازاقستان مەديتسينا ۋنيۆەرسيتەتى كەاق باسقارما توراعاسى ۇستالعانىن راستايدى»، – دەلىنگەن حابارلامادا.
اگەنتتىك وكىلدەرى اقپاراتتىڭ تولىقتىرىلاتىنىن مالىمدەدى.
ايتا كەتەيىك، اسەت قاليەۆ بۇل قىزمەتكە 2022 جىلدىڭ قىركۇيەگىندە كەلگەن.
