ەلىمىزدە تاعى ءبىر پەتيتسيا جاريالاندى. وندا مۇناي، گاز كومپانيالارىنىڭ قۇپيا كەلىسىم-شارتتارىن قايتا قاراۋعا قاتىستى تاقىرىپ كوتەرىلگەن، دەپ حابارلايدى "ادىرنا" ۇلتتىق پورتالى.
پەتيتسيا ماتىنىندە شەتەلدىك كومپانيالارمەن جاسالعان كەلىسىمدەردى قايتا قاراۋ كەرەكتىگى قوزعالعان.
"جەر بايلىعىمىزدىڭ 15% عانا قازاقستانعا تيەسىلى. باسسىزدىق توقتاتىلسىن! پەتيتسياعا قول قويايىق!
ەلىمىزدەگى ەڭ ۇلكەن كەن ورىندارىن العان الەمدىك كومپانيالارمەن جاسالعان قۇپيا كەلىسىم-شارتتاردى قايت قاراۋ قاجەت. سەبەبى 30 جىلدان بەرى جەر استىنداعى مۇناي، گازدى الىپ كەلگەن شەتەلدىك كومپانيالار قازاقستانعا پايدانىڭ تەك 15% عانا بەرىپ وتىر. شەتەلدىك تاجىريبەدە 50% كەم پايدا كورىپ وتىرعان ەل جوق، ال قازاقستان تەك 15% الادى. ابسۋرد. بۇل جىل سايىن ەلىمىز تۇسەتىن بىرنەشە ملرد دوللاردان قاعىلىپ وتىر دەگەن ءسوز. سوندىقتان قۇرمەتتى قازاقستاندىقتار، تومەندەگى سىلتەمە ارقىلى پەتيتسياعا قول قويىپ، باسسىزدىقتى توقتاتۋعا ءوز ۇلەستەرىڭىزدى قوسىڭىزدار", - دەلىنگەن ماتىندە.
