بۇگىن پرەزيدەنت قاسىم-جومارت توقاەۆتىڭ توراعالىعىمەن ەلىمىزدىڭ الەۋمەتتىك-ەكونوميكالىق دامۋ ماسەلەلەرى جانە ۇكىمەتتىڭ ورتامەرزىمدى كەزەڭگە ارنالعان بولجامدارى قاراستىرىلعان كەڭەس ءوتتى، دەپ حابارلايدى «ادىرنا» ءتىلشىسى اقوردانىڭ ءباسپاسوز قىزمەتىنە سىلتەمە جاساپ.
جيىنعا پرەمەر-مينيستر ولجاس بەكتەنوۆ، پرەزيدەنت اكىمشىلىگىنىڭ باسشىسى ايبەك دادەباي، ۇلتتىق بانك توراعاسى، جوعارى اۋديتورلىق پالاتانىڭ توراعاسى، ۇكىمەت مۇشەلەرى جانە باسقا دا لاۋازىمدى تۇلعالار قاتىستى.
مەملەكەت باسشىسىنا نەگىزگى الەۋمەتتىك-ەكونوميكالىق دامۋ كورسەتكىشتەرى، رەسپۋبليكالىق بيۋدجەتتىڭ بيىلعى 7 ايداعى ورىندالۋى جانە 2025-2027 جىلدارعا ارنالعان رەسپۋبليكالىق بيۋدجەت جوباسىنداعى ماكروەكونوميكالىق پارامەترلەر جونىندە باياندالدى.
ۇكىمەت كەلەسى جىلى ەكونوميكا 5,6 پايىز دەڭگەيىندە ءوسىم كورسەتەدى، ال ينفلياتسيا 5,5 – 7,5 پايىزعا دەيىن تومەندەيدى دەپ بولجام جاساپ وتىر.
قاسىم-جومارت توقاەۆ ۇكىمەتكە ماكروەكونوميكالىق كورسەتكىشتەردى بولجاۋ جانە مەملەكەتتىك بيۋدجەت ساپاسىن ارتتىرۋ، ورتالىقتاعى جانە جەرگىلىكتى دەڭگەيدەگى مەملەكەتتىك شىعىنداردى باسىمدىعىنا قاراي رەتتەۋدىڭ ناقتى مەحانيزمىن ەنگىزۋ، سونداي-اق كولەڭكەلى ەكونوميكامەن كۇرەس شارالارىن كۇشەيتۋ تۋرالى مىندەت جۇكتەدى.
