2024 جىلعى 9 تامىزدا قازاقستان رەسپۋبليكاسىنىڭ ۇلتتىق كىتاپحاناسىندا قازاقتىڭ ۇلى تۇلعاسى اباي قۇنانبايۇلىننىڭ تۋعان كۇنىنە ارنالعان «اباي مۇراسى - ۇلتتىق قۇندىلىق» اتتى مەرەكەلىك ءىس-شارا ءوتتى.
اتالعان شارا ۇلتتىق كىتاپحانا الدىنداعى الاڭدا ادەمى اۋەننەن باستاۋ الدى. مەرەكەلىك ءى-شاراعا 5571 اسكەري ءبولىمىنىڭ اسكەري قىزمەتشىلەرى، قازاقستان جازۋشىلار وداعى توراعاسىنىڭ ورىنباسارى جاقىپ باۋىرجان; قۇرمانعازى اتىنداعى قازاق ۇلتتىق كونسەرۆاتورياسىنىڭ «حالىق ءانى» كافەدراسىنىڭ دوتسەنتى شۇكىمان ەركىن جانە كونسەرۆاتوريانىڭ ءتورتىنشى كۋرس ستۋدەنتى، رەسپۋبليكالىق كونكۋرستاردىڭ لاۋرەاتى ماديار ومىرعالي ورىندادى. مەرەكەلىك ءىس-شارانى قازاق راديوسى جانە "شالقار" راديوسىنىڭ جۇرگىزۋشىسى ءنالىباي گۇلميرا جۇرگىزدى.
قازاقستان رەسپۋبليكاسىنىڭ مەملەكەتتىك كۇزەت قىزمەتىنىڭ كۋرسانتتارى:
پيۆەن ەۆگەني الەكساندروۆيچ – جىگىت ءسوزى «ايتتىم سالەم، قالامقاس» سونىمەن قاتار تولەگەن ەراسىل – «قالىڭ ەلىم قازاعىم قايران جۇرتىم» ولەڭى، اباقان اقجول – «ەسكەندىر» پوەماسىن تەبىرەنە وقىپ بەردى.
عىلىمي ادىستەمەلىك ءبولىمنىڭ جاس مامانى التىنبەك قانات، قازاقستان كىتاپتارى ءبولىمىنىڭ كىتاپحاناشىسى جانبولات ابايحان “ابايدىڭ جاس ۇرپاققا وسيەتى”-اتتى قويىلىمىن قويدى. كەش بارىسىندا بارلىق قاتىسۋشىلارىنا كىتاپتار مەن العىس حاتتار تابىستالدى.
مەرەكەلىك ic-شارا نازيرا داۋلەتوۆا اتىنداعى كورمە زالىندا جالعاسىن تاپتى. دوڭگەلەك ۇستەل باعدارلاماسىندا عىلىمي باياندامامەن تۇركيانىڭ الماتى قالاسىنداعى باس كونسۋلى ەۆرەن مۋدەرريسوگلۋ ادەبي اقپاراتپەن الماتى قالاسىنداعى يران باس كونسۋلدىعىنىڭ يران مادەني ورتالىعىنىڭ ديرەكتورى - حوسسەين اگازادە ءال-فارابي اتىنداعى قازۇۋ پروفەسسورى، عالىم، فيلولوگيا عىلىمدارىنىڭ دوكتورى - دانداي ىسقاقۇلى، مۋحتار اۋەزوۆ اتىنداعى ادەبيەت جانە ونەر يستيتۋتىنىڭ باس ديرەكتورىنىڭ عىلىم جونىندەگى ورىنباسارى، فيلولوگيا عىلىمدارىنىڭ كانديداتى الميرا قاليەۆا قاتىستى.
تۇركيانىڭ الماتى قالاسىنداعى باس كونسۋلى ەۆرەن مۋدەرريسوگلۋ ءوزىنىڭ بايانداماسىندا بىلاي دەدى- “اباي وسكەلەن ۇرپاققا ۇلگى بولاتىن ۇلى تۇلعا، اباي قالاممەن كۇللى تۇركى الەمىن جاۋلاعان ۇلى ادام. سونداي-اق، ستامبۋل قالاسىندا اباي اتامىزدىڭ 17 كىتابى جارىق كورگەنىن ايتتى.
الماتى قالاسىنداعى يران باس كونسۋلدىعىنىڭ يران مادەني ورتالىعىنىڭ ديرەكتورى - حوسسەين اگازادە، اباي شىعارمالارىنداعى ەڭبەك تاقىرىبى – شەكسىز زور، ايتا بەرسە ءسوز تاۋسىلمايدى، زەرتتەي بەرسە ساف التىنداي جارقىراپ، نە ءبىر ءىنجۋ-مارجاندار الدىمىزدان شىعا بەرمەك. ابايدىڭ تەرەڭىندە ءتۇپ جوق، ابايدىڭ بيىگىندە شەك جوق دەي كەلە، “جاساي بەرسىن اباي! جاساي بەرسىن قازاقستان! جاساي بەرسىن يران” -دەپ ءوز ءسوزىن ءتامامدادى.
ءىس-شارا سوڭىندا، قازاقستان رەسپۋبليكاسى ۇلتتىق كىتاپحاناسىنىڭ ديرەكتورى، قازاقستان كىتاپحانا وداعىنىڭ توراعاسى باقىتجامال وسپانوۆا بارلىق قاتىسۋشىلاردى اباي كۇنىمەن قۇتتىقتاپ، قاتىسۋشىلارعا كىتاپتار مەن العىس حاتتاردى تابىستادى.
مەرەي قايراتقىزى
